గోదారి అనుబందం

బాల్యంలో ఈ పచ్చదనాన్ని

నాకెవరో నలుగు పెట్టారు

ఇప్పుడది

గుండెల్లోకి ఇంకింది

**

బాల్యానెవరో చెక్కారు

ఆ బడిలోనో ప్రక్కనున్న గూడిలోనో

ఇప్పుడది

జ్ఞానపు కొమ్మల్లో వూగుతుంది

****

 

ఈతలు నేర్పారెవరో

ఈ నీళ్ళలోనే

ఇప్పుడు

నగరాన్ని ఈదగలుగుతున్నా

**

(అంతర్వేదికి, గోదారికి, కొండవీటి సత్యవతి గారికి, సుజాత గారికి)

బాల్యం

 

కొంచెం చిలిపిగా
కొంచెం ఆశక్తిగా
కొంచెం ఆకతాయిగా
కొంచెం ఆశ్చర్యంగా
కొంచెం అమాయకంగా
వెరసి బాల్యంగా