పడిపోయినచోట లేవడం
ఓడిపోయిన చోటులో గెలవడం
దొరకని దారుల్ని వెతుక్కోవడం
వర్షించే కన్నుల్లో చిరునవ్వుకోసం నిరీక్షించడం
ఎన్నిసార్లు
కాలపు సూచికగా గిరగిరా తిరగాలో!
జయాపజయాల నడుమ
కళ్ళను, నాల్కను, మనసును కత్తిరించుకోవాలో!!
జీవితసారాన్ని
ప్రతిరూపంగా మలచడానికి
ఎన్ని ఉలిదెబ్బల గాయాలను మాన్పుకోవాలో!!
తెరచి వుంచిన హృదయాన్ని ఎవ్వరో మిటినట్లు
అడుగుల సవ్వడి చేస్తూ
నవ్విన చిరుగాలి
కిలకిల రావాల పక్షుల కోలాహలం చేస్తున్న
నవ్య రాగోదయం
వేలుగురేఖల గమనాన్ని ఒడుపుగా పట్టుకోవడమే.
No comments:
Post a Comment