సంసిద్దతచేసే పాత్ర

ఎక్కడినుంచి ఎగిరొచ్చిందో
రాత్రికురిసిన వాననీటిలో లేని చేపకోసం
ఎదురుచూస్తున్న కొంగలాంటి మనసు

మట్టితో చేయబడ్డదేహం
మళ్ళీ మట్టిలో కలవడం సృష్టి ధర్మం

సిలువనెత్తుకొని
ఒలికే కన్నీటితో
పరుగులాంటి నడక
అంధకార శక్తులతో నిత్యం పోరాటమే
ఎందరివో పగిలన హృదయాలను కడ్తుంది

నిరీక్షించే దారుల్లో
నిత్యం వేధించే భయాలను ఛేదిస్తూ జాగురూకచెయ్యడం
వెలిగించిన జీవితాన్ని దీపస్థంబంగా పెట్టడమే

మట్టి శరీరం శిథిలమవ్వడం తప్పనిసరి
వెలుగిచ్చే త్రోవలలో
వెలుగురేఖల పయనానికి సంసిద్దతచేసే పాత్ర
సిద్దమైన జీవకిరీటంకోసం సాగిపోతుంది

నీతిసూర్యుని కిరణాలలో వెలిగే
మహిమ శరీరంకోసం
పయనం సాగిపోతూనేవుంటుంది