కూనిరాగపు విశ్లేషకులు ఎవరైనా దొరుకుతారా?

కూనిరాగపు విశ్లేషకులు ఎవరైనా దొరుకుతారా?

చిత్రమైన సంగతి ఈరోజు గ్రహించాను। బ్లాగులో రాయాలన్న కుతూహలాన్ని ఆపుకోలేక రాస్తున్నా.

ఆఫీసుకు టైము అయిపోతుందని త్వరత్వరగా బాత్రూములో దూరాను. బయటికిరాగానే నా భార్య ఆశ్చర్యంగా నన్ను చూసింది. సంగతేమిటని అడిగాను. నేనూ అదే అడుగుతున్నా సంగతి ఏమిటి అని నన్ను ఎదురు ప్రశ్నించింది. చాలా సేపటి తర్వాత ఉత్కంట తర్వాత చెప్పింది. బాత్రూములో కూనిరాగం తీసానట. అందులో విశేషమేమిటో అర్థం కాలేదు. అఫీసుకు సమయ తొందరలో ఆ విషయాన్ని మర్చిపోయా. ఆటోలో గుర్తొచ్చింది. అంత విశేషమేమిటని నాకు అనిపించింది.
ప్రస్తుతము పరుగులెడుతున్న బిజీ జీవిత, జీవనశైలి, ట్రాఫిక్ జాములు, బాంబుదాడులు, పంజా విసిరిన పంజాగుట్టలో ఆ మద్యాహ్నం నేను నా భార్య వుండటం, పనుల వత్తిడులు, అప్పుడప్పుడూ పలకరించే అనారోగ్యాలమద్య బాత్రూములో కూనిరాగం తీసిన సమయమేదీ గుర్తుకురాలేదు.
ఈ కూనిరాగపు విశ్లేషకులు ఎవరైనా దొరుకుతారా? అని అనిపించింది ....... ఇక అప్పటినుంచీ బ్లాగురాయాలని ఒకటే తొందర.
ఇక ఎవరు దొరుకుతారోనని ఎదురుచూపు ఇక.