వనంకోసం ఆశ

ప్రియా! రా!
కొత్త వనం కోసం
పూలొచ్చేవరకూ పనిచేద్దాం
మనం లేనప్పుడవి
మనగురించి మాట్లాడతాయి
పూలపరిమళాలతో
మనమాటల్ని మోసుకెళతాయి
బహుశ
మనం తక్కువే మట్లాడుకున్నాం
ఈ వనంలోని మొక్కలు
మనపాదాల చప్పుళ్ళను గుర్తుపడ్తాయి
వాటికి మధురమేదో తెలుసు
ఎప్పుడైనా
ప్రేమికులు ఈ వనంనుంచి వెళ్ళుతున్నప్పుడు
అనుభూతి స్పర్శను అనుభవించాలి
మబ్బులు గొడుగుపడ్తాయి
కోకిల కొత్తపాట పాడుతుంది
పాలపిట్ట రేకలపై వూగుతుంది
మళ్ళీ మనం కలుస్తామో లేదో!
పరిమళం మిగిలేవుంటుంది
ఎన్నటికీ ఎన్నటెన్నటికీ
ప్రియా! రా!
కొత్త వనంకోసం పనిచేద్దాం.