మేఘం నీలి మేఘం - పాట

మేఘం నీలి మేఘం
రంగుల హరివిల్లుకై
చినుకులిచ్చిన మేఘం

వింజామరలా చిరుగాలి స్పర్శతో

యెదలోదాచిన వూసులకు
వూతమిచ్చి రేకులు తొడిగి
తూనిగలై తారాడగా
తుంపరలనిచ్చిన మేఘం

చినుకు చినుకులా రాలి
మనసులో ముడుచుకున్న
భావాలు రాగాలుగా చేసి
కమ్మనిగీతాలై నే పాడగా
తనువునే తడిపిన మేఘం

కానరాని చెలియ చూపులు
తరిమి తరిమి వెదకుతుంటే
రెప్పల మాటునున్న కలలు
పురివిప్పి నాట్యమాడగా
పుకరింపచేసిన మేఘం