సం"గతులు" (జాన్‌హైడ్ కనుమూరి)

ఈ మాటలో నా కవిత మీరు చదివారా??

2012-01-24T11:29:00.000+05:30

ఈ మాటలో నా కవిత మీరు చదివారా??

http://www.eemaata.com/em/issues/201201/1886.html

జ్వాలాముఖిని తలచుకోవడమంటే నా జ్ఞాపకాలను తాజా పరచుకోవడమే

2011-12-14T10:55:00.001+05:30

జ్వాలాముఖిని తలచుకోవడమంటే నా జ్ఞాపకాలను తాజా పరచుకోవడమే.

అవి నేను అప్పుడప్పుడే కలంపట్టిన రోజులు. తెలుగుయూనివర్సిటీ ఎన్.టి.ఆర్. అడిటోరియంలో కవిసమ్మేళనం జరుగుతుంది.

వేదిక అధ్యక్షులుగా శ్రీమతి నాయని కృష్ణకుమారి, శ్రీ ఉత్పల సత్యనారయణ, శ్రీ కె. శివారెడ్డి, ఎస్.వి. సత్యనారాయణ, శ్రీ జ్వాలాముఖి ఇంకొందరు వేదికమీదున్నారు. చాలామంది ప్రముఖ కవులు, కవయత్రులు కవితలు చదివారు. నాకు చివరలో అవకాశం దొరికింది. అప్పటికే కవిత్వం చదినవారు ఏవేవో సాకులతో వెళ్ళిపోవడంతో సభ పల్చబడింది, ముగింపుకొచ్చేసరికి నా కవిత్వానికి ఎవరు స్పందించలేదే అనే దిగులు నన్ను కమ్మింది. వరండాలోకి వచ్చాక అటుగా వస్తున్న ఆయన దగ్గరకు పిలిచి భుజంమీద చెయ్యివేసి పోయం బాగుంది. కొత్తగా రాస్తున్నట్టులేదు రాస్తూవుండు అని భుజం తట్టారు. ఆయనే శ్రీ జ్వాలాముఖి. అదే మొదటి పరిచయం. ఆ సంతోషాన్ని వివరించడానికి మాటలు లేవు నాదగ్గర.

నా కవిత్వంని ఆస్వాదించి నన్ను పరిచయం చేసుకున్నవారు బహు కొద్దిమంది అందులో ఈయన ప్రధముడు. తర్వాత చాలా సార్లు చాలా సభలలో కలిసాము. ఆయనలో నాకు ఒక అంశం నచ్చింది. అది ఏమిటంటే అనర్గళంగా మాట్లాడగలగడం. నేను చర్చిల్లో మాట్లాడే అవకాశలను ఇంత అనర్గళంగా మాట్లాడగలనా అని ఓ రోజు ప్రశ్నించుకున్నా. ఆ టెక్నిక్‌ను పట్టుకోవడానికి ఆయన సభలకు తప్పకుండా వెళ్ళే వాణ్ణి.

అయన కవిత్వంనుండి, వ్యాసాలనుండి, ఆయన జ్ఞాన సంపదనుండి ఏమీ పొదానో తెలియదు గాని, అర్గళంగా మాట్లాడం వెనుక వున్న కృషి, సాధన గమనించాను. చాలా కష్టమైన ప్రక్రియే అయినా సాధన చేసాను.

నేనెప్పుడన్నా ప్రసంగిచాల్సి వచ్చినప్పుడు జ్వాలముఖిని గొంతు ద్వారం దగ్గర వుంచుకుంటాను.

కవిత్వం ఏమిచ్చింది అనే ప్రశ్న తరచూ వినబడుతుంటుంది. నేను చెప్పగలను అనర్గళతవైపు నన్ను నేను మలచుకోవడానికి ఒక సాధనం(టూల్) దొరికిందని.

శ్రీ జ్వాలముఖిని తలచుకొనే ఈ రోజు చంద్రునికో నూలుపోగులా నా జ్ఞాపకం ఇలా మీ ముందు పరిచాను. ఆయన జీవన, జీవిత స్థితిగతులు ఎలా వున్నా ఒక సూచికగా నాకు నిలిచిన ఆయన మూర్తిమత్వానికి శిరసువంచి నమస్కరిస్తున్నాను.

ఆయన ఆత్మకు శాంతి కలగాలని, కుటుంబానికి ఓదార్పు కలగాలని సదా ప్రార్థిస్తాను.

ఎయిడ్స్ ఓడిపోకతప్పదు కలసిపోరాడుదాం

2011-12-02T07:16:00.002+05:30

జీవితమొక సుందరస్వప్నం

ఎయిడ్స్ ఓ దుశ్వప్నం

క్షణికంకోసం కానీయకు విషతుల్యం

క్షమించదు సమాజం

ఓ చిన్ని అ జాగ్రత్త

జీవితానికి మలుపు

మారణాయుదపు పిలుపు

తస్మాత్ జాగ్రత్త

ముందుజాగ్రత్త!

మురిపించే విజయానికి సగభాగం

మరి అజాగ్రతా!

ముంచుకొచ్చే చరమగీతం

క్షణికమైన ఆవేశంతో

అక్రమ సంబంధం

వేశ్యాసాంగత్య ద్వారబంధంలో

ఒక్కసారి అడుగేస్తే

జీవితాన్ని దహించే నిప్పురవ్వే

ఎదురుచూస్తోన్న మృత్యుకౌగిలే!

***

సూక్స్మంగా రక్తనాళాల్లో

ఇంకిపోయే ఎయిడ్స్

కరచాలనంలోకి

కనీసం ప్రవహించలేదీ ఎయిడ్స్

రోగుల్ని

శ్మశానంలో వదిలినంతమాత్రాన

రోగం వదలిపోదు

రోగ కారకాలను

ముసురుతున్న మౌఢ్యాలను

నిలదీసి విడదీసి చర్చించినప్పుడే

రోగాన్ని సమాజం పొలిమేరల్నుండి

తరిమేయగలం

మరణం దేనికి సంకేతం?

శరీరానికా! కుటుంబానికా! సమాజానికా!

మున్ముందు ఆహ్వానిస్తున్న లగ్నపత్రిక

ఎయిడ్స్ కాదా?

ఉద్యమిద్దాం

కలసి పనిచేద్దాం

రోగాన్ని ద్వేషించు

రోగిని ప్రేమించు

వివరంగా చర్చించు

రోగిని స్పర్శించు

మానవత్వాన్ని బ్రతికించు

ఎదురుగా ఉన్నది రాబోయే తరం

ఎయిడ్స్ లేని సమాజం నీవిచ్చే వరం

***

కాలగమనంలో

మరణం ముఖం మార్చుకుంటుంది

ఓ కలరా, ఒక మసూచి, మరో కేన్సర్

ఓడిపోయిన చిహ్నాలే
మరో చిహ్నాన్ని నిలబెడదాం

ఇప్పుడు ఎయిడ్స్ ఓడిపోకతప్పదు

కలసిపోరాడుదాం

మూడు చక్రాల బండి - ఈ పుస్తకం

2011-11-22T14:16:00.001+05:30

సాహితీ మిత్రులకు

శ్రీ నూతక్కి రాఘవేంద్ర రావు గారు

రాసిన మూడు చక్రాల బండికి కొన్ని చిత్రాలు జోడించి ఈ పుస్తకంగా మీ ముందుకు వస్తోంది.

యాబై అరవై మద్దెగాల వయస్సులో వచ్చే ఇబ్బందుల మధ్య ఆత్రపడి కొనితెచ్చుకునే చిక్కులను ఇందులో పదచిత్రాలుగా రచించడం జరిగింది. ఇవి ఆమద్య గ్రూపులో రోజూ ఒకటి చొప్పున ఆయన పోస్టుచేసారు. మొడట కొన్ని చదివిన తరువాత “గంతనే
మూడు చక్రాల బండి “ అనే రెండుపాదాలను స్థిరంగా వుంచుతూ సంఘటనను చిత్రించడం అంత సునాయాసమైన పని కాదని నాకు అర్థమయ్యింది. బాగున్నాయని తెలిపిన చిన్న అభినందనను స్పూర్తిగా తీసుకొని శ్రీ నూతక్కి గారు ఇరువై ఐదు పదచిత్రాలను అల్లడం ఆశ్చర్యానికి గురిచేసింది

మీకూ నచ్చుతాయని ఆశిస్తున్నాను.
ఆయన సాహిత్య కృషిని మరోసారి అభినందిస్తున్నాను.

మీకు నచ్చినట్లయితే చిన్ని అభిప్రయాన్ని రాయండి.

http://www.scribd.com/fullscreen/73438374?access_key=key-20tqivkr2rbhce7hxal1

anuvulu

నిషాకన్నుల ఈరేయి - గజల్

2011-11-19T17:50:00.000+05:30

నిషాకన్నుల ఈరేయి తీయని గాయమేదో రేపుతున్నదోయి!
మునిపంట దాగిన మౌనమేదో ఫక్కున నవ్విపోతున్నదోయి!

ఇటునటు పరుగిడు ఆత్రాలనేత్రాలలో కరిమబ్బు కమ్ముకొస్తుంటే
కబురందేనో లేదోయని వేచివున్న చెలిమది కలతచెందుతున్నదోయి

అగరుపూల వాసనతో నిండి పరువమేదో మత్తిలుతుంటే
చిరుగాలి అలలపై ఆకులసవ్వడి నీ అడుగులై ధ్వనిస్తున్నదోయి

వేవేల దీపాలకాంతి నీవులేని వాకిట వెలవెలపోతుంటే
ఆశల ముంగిట ప్రమిదేదో వూగివూగి వెలుగుతున్నదోయి

జ్ఞాపకాలు ఒక్కుమ్మడిగా కాకరపూవత్తులై రాసులు పోస్తుంటే
"జాను" చూడు ఎటుదాగెనో నెలరేడు వెదకి వెదకి విసుగొస్తున్నదోయి!

గుర్తుందిలే - గజల్

2011-11-19T17:35:00.000+05:30

ఈ ప్రశ్నే కదా నువ్వు నన్నడిగిందీ గుర్తుందిలే!
అదే కదా పదే పదే నే చెప్పిందీ గుర్తుందిలే!

సాయంత్రపు నీరెండలో జాజులను కోస్తూ
విసిరిన పాలనురగల నవ్వేదో గుర్తుందిలే!

ఎదురుపడాలని పెరటిలో తచ్చాడుతూ
మదిన వేసినవలపు మొవ్వేదో గుర్తుందిలే!

పరాకుగా నే నిదురించేవేళ అడుగులో అడుగేస్తూ
ఘల్లుమని సవ్వడి చేసిన కాలిమువ్వేదో గుర్తుందిలే

పులకరించిన పెనవేసి రెండూ దేహాలేకమౌతూ
మౌనంగా నలిగిన బిడియపుపువ్వేదో గుర్తుందిలే

నేనున్నానని సడిలేని అడుగులేస్తూ
బెదిరిబెదిరి అడుగుల సవ్వడేదో గుర్తుందిలే!

అనురాగం ప్రతిరూపమై లాలించి మురిపిస్తూ
కొసరికొసరి తినిపించిన పాలబువ్వేదో గుర్తుందిలే

నిర్దయగా చేజారిన క్షణములన్నీ లెక్కిస్తూ
హాయిగా ఎగిరిన ఆశల గువ్వేదో గుర్తుందిలే

(జీవిత తొలినాళ్ళ జ్ఞాపకాల నుంచి )

అమ్మమనసు - గజల్

2011-11-16T14:11:00.003+05:30

నిద్రపట్టిని ఓరాత్రి
నెట్టు అందుబాటులేనప్పుడు
ఏదో చదువుతుంటే
ఒక లైనుతో ప్రారంబమై ఇలా వచ్చింది

ఇందులో ఫేసుబుక్కు గ్రూపులలో తరచూ కలిసేవారి పేర్లు ఇమడటం యాదృశ్చికం

* * *

పండువెన్నెల కన్నా చల్లనిది అమ్మమనసు

నిండు జగమంతా ఎరిగినది అమ్మమనసు

గోరుముద్దలు తినిపిస్తూ చందమామచూపిన
మురిపాల మీగడ పాల బువ్వైనదీ అమ్మమనసు

బుడిబుడి అడుగులకు చూపుడు వ్రేలునిచ్చి
వడివడిగా పథాలలోకి నడిపినదీ అమ్మమనసు

భాను కిరణాలతో ఉదయరాగ మాలపించి
ధాత్రికే సహనం నేర్పినదీ అమ్మమనసు

జగతిని మమతల నెలవుల కాంతులలో
జ్యోతియై కరిగికరిగి వెలుగునిచ్చినదీ అమ్మమనసు

అనుబంధాలు పెనవేసే జాడల జాతరలో
సువాసనల గంధమై పరిమళించినదీ అమ్మమనసు

పద్మాలు వికసించే శరత్ చంద్రకాంతిలో
స్వాతి ముత్యమై మెరిసినదీ అమ్మమనసు

ప్రేమనెరిగిన శ్యామాక్షరాల యింటిలో
సిరులనిచ్చే శ్రీ నివాసమైనదీ అమ్మమనసు

విజయ పథాన నేను నడువగా
లోకాన ప్రవీణతలో నడిపినదీ అమ్మమనసు

నేర్చిన జ్ఞానంతో పయనించే మార్గంలో
వెలలేని అపరంజి అయినదీ అమ్మమనసు

తీపితీపి జ్ఞాపకాలు జగమంతా తెలిపే
యెదను పలికే సుధలు నింపినదీ అమ్మమనసు

కనిపెంచిన పిల్లలు తనయెదుటే ఎదిగి
వృక్షాలై నీడనిస్తుంటే సంతశించేదీ అమ్మమనసు

శృతిచేసిన రాగం ప్రీతిమీర ఆలపించే
"జాను''తెలుపు నాల్గుమాటలలో ఇమడనిదీ అమ్మమనసు

ఫేసుబుక్కు ఆరు నెలల ప్రయాణం – సింహావలోకనం

2011-11-14T13:56:00.024+05:30

ఏప్రిల్, మే, జూన్ నెలలలో మెడికల్ శెలవులో వున్నప్పుడు మే నెలలో ఇంటిలో నెట్ కనెక్షన్ తీసుకోవడం జరిగింది. అంతర్జాలము నాకేమి కొత్త కాదు. నేను బ్లాగు మొదలు పెట్టిన తొలినాళ్ళలో సుమారు 200 బ్లాగర్లు మాత్రమే వుండేవారు. ఒకరినొకరు ప్రోత్సహించుకుంటూ బ్లాగులు రాసిన రోజులవి. అప్పట్లో మదర్స్ డే సందర్భంగా రాసిన పోస్టులతో అమ్మ అనే ఈ సంకలనం చేయడం జరిగింది. తెలుగులో వచ్చిన మొదటి ఈ సంకలనము. రెండవ ఈ పుస్తకము,

అంతర్జాల పోస్టులతో నాన్న సంకలనం చేయాలని ఎప్పటిదో కొందరిమిత్రుల కోరిక. ఫాదర్స్ డే రోజునుంచి కొంతమంది స్పందించారు. వారిలింకులనుండి పోస్టులను సేకరించాను. పేజి సెట్టింగులు చేసి కొంత పనిచేసాను కంప్యూటరులో వైరస్ రావడం, బ్యాకప్ తీసుకొనే అవకాశం చిక్కకుండా ఫార్మేట్ అవ్వడంతో ఆ కోరిక సగంలోనే అసంపూర్ణంగా మిగిలిపోయింది. శరీరం అనుకూలిస్తే అది పూర్తి చెయ్యాలి. ఇంతకుముందు స్పందించిన మిత్రులు ఇది చదువుతున్నట్లయితే మీ లింకులు పంపండి ప్రయత్నాన్ని కొనసాగిస్తాను.

సేకరించిన డాటా కోల్పోవడం చాలా బాదాకరం అనిపించింది.

అప్పుడే శ్రీమతి శైలజామిత్ర ఫేస్ బుక్కును పరిచయంచేసారు. ప్రతీరోజు గాయాలకు డ్రెస్సింగు అయ్యాక భోజన సమయంలోపు గ్రూపులోనివి చదవడం అలవాటయ్యింది.. వివిధ మిత్రులద్వారా కొన్ని గ్రూపులు పరిచయమయ్యాయి. నిద్ర పట్టని రాత్రులను ఫేసుబుక్కు కవిత్వంలో గడిపాను.

సాహిత్య మిత్రులు, సాహిత్యనిధి, స్వేచ్చ, తెలుగు సాహితీ వలయం, మొజాయిక్, ప్రేమ ప్రేమకై.. ప్రేమించు, నానోలు ...ఇలా గ్రూపులు పరిచయమయ్యాయి.
శైలజా మిత్ర సాహితినిధి, సాహితిమిత్రులు గ్రూపును పరిచయం చేసారు
జ్యోతిర్మయి తెలుగు సాహితీవలయం గ్రూపును పరిచయంచేసారు
ఈగ హనుమాన్ నానోలు గ్రూపును పరిచయంచేసారు
మురళీధర్ నామాల స్వేచ్చ గ్రూపును పరిచయం చేసారు
జగతి జద్దాత్రి మొజాయిక్ గ్రూపును పరిచయంచేసారు
శ్రీనివాస్ వాసుదేవ్ ప్రేమ ...ఒరేమకై ప్రేమించు... గ్రూపును పరిచయం చేసారు

ఇంతకుమునుపే సాహిత్యంలో పరిచయమున్నవారు ఫేసుబుక్కులో కొద్దిమంది మాత్రమే వున్నా నేను వున్న శారీరక పరిస్థితిని బట్టి ఆన్ని చదివినా నచ్చినవాటిని మాత్రమే అభిప్రాయాలు రాయటం మొదలుపెట్టాను.

వాదులాటలు, కీచులాటలు అభిప్రాయభేదాలు ఏ గ్రూపుల్లో కూడా తలెత్తినప్పుడు వాటినుండి దూరంగానే వున్నాను.

కొందరికి నేను చేసిన సూచనలు నచ్చాయి, నచ్చినవారు అమలుచేయడం కనిపించింది. కొందరు వారిదోరణిలో(మొనాటనీ) వారు వెళుతున్నట్టే కన్పించారు. అటువంటివారి పోస్టులు పెద్దగా పట్టించుకోవడం మానేసాను.

ఆసుపత్రి అనుభవాలను అక్షరీకరిద్దామనే బలీయమైన కోరిక వుండేది, మొదలుపెట్టి కొన్ని పోస్టులు రాసాను. అవి చూసి వీడేంటి ఇలా రాస్తున్నాడు అనుకున్నవారు వుండేవుంటారు. రెండు మూడు నెలల తర్వాత ఆ పోస్తులను అన్నీ ఒకచోట పెడదాము అనుకుని ప్రయత్నం చేసా కానీ ఫేసు బుక్కులో రాసిన పోస్టులు శాశ్వతంగా (బాక్ అప్) ఉండవని అప్పుడే తెలిసింది. వాటిని కోల్పోయాను. మళ్ళీ అలాగే రాయలేను.

ఒకొక్కరిగా పరిచయాలవుతున్న నేపద్యంలో కొందరి మాటలు స్వాంతనను, కొత్త స్పూర్తిని నింపితే కొందరి మాటలు, పనితీరులు కొంత నొప్పించాయి. అప్పుడే గ్రూపులో ఏమి జరుగుతుంది అని చూడటం కంటే నాకు ఏది అవసరం అనే విషయంపైనే శ్రద్ద పెట్టాలి అని నిర్ణయించుకున్నాను.

పరిచయాలలో :
మురళీధర్ నామాల
బ్లాగులలో పరిచయం. తూర్పు పడమరల సమయ తేడాలవల్ల నిత్యం ఆన్‌లైనులో తోచినదేదో మాట్లాడినవాడు.
స్వేచ్చగ్రూపుకు మార్గం చూపాడు. ఇంచుమించు నా అన్ని రాతలను చదివిన వాడు.

ఈగ హనుమాన్ ఫేసుబుక్కులో కంటే ముందుగానే తెలిసిన సాహితీమిత్రుడు. చాలా సందర్భాలలో కలిసిన, తరచూ ఫోనులో మాట్లాడుకొనే సాన్నిహిత్యం. నానోలలోని రసాస్వాదనను నాకు ఎక్కించాడు.

రాజేంద్రకుమార్ దేవరపల్లి

ఫేసుబుక్కులో కంటే ముందుగానే తెలిసిన సాహితీమిత్రుడు. తరచూ ఫోనులో మాట్లాడుకొనే సాన్నిహిత్యం.

జగతి జగద్దాత్రి - ఫేసు బుక్కుకంటే ముందుగానే తెలిసినా, ఫేసు బుక్కు సాహితీ సాన్నిహిత్యాన్ని పెంచింది. చాట్ చేస్తూ చేస్తూ మాట్లాడిన పదాలలోంచి పాటలుగా అల్లడం జరిగింది. ఆ ధోరణి(ఫీవర్) కొన్నిరోజులు సాగి సుమారు 12 పాటలు రాయడం జరిగింది. నా బ్లాగులో చూడవచ్చు. విశాఖకు వస్తే మొజాయిక్ ఆహ్వానం అనడంతో అక్టోబరు నెలలో (10.10.2011) మండే మొజాయిక్‌ లో పాల్గొనడం జరిగింది. దాని వివరాలు బ్లాగులో చదవొచ్చు.

నూతక్కి రాఘవేంద్ర రావు :

ఈయన “మూడుచక్రాల బండి” అనే కిరీటంతో రాసినవి నన్ను ఆకట్టుకోవడమే కాకుండా, మరింత సన్నిహితం చేసాయి. పెద్దవయసులోకూడా ఆయన కవిత్వాన్ని గురించి చూపించే ఆసక్తి నన్ను అబ్బుర పరుస్తూనేవుంది. నన్ను ఉత్తేజపరుస్తూనేవుంది.

జ్యోతిర్మయి మళ్ళ

బహుముఖ ప్రజ్ఞలు ఈమె కలిగి వుండటం ఆశ్చర్యపరచిన సందర్భంలో నన్ను గజల్ రాయమని సూచించడం జరిగింది. నేను మొజాయిక్‌లో పాల్గొన్నప్పుడు నేను రాసిన పాటను పాడివినిపించి మరింత ఆశ్చర్యానికి లోను చేసారు. కొన్ని గజల్స్ ప్రయత్నించడం జరిగింది.

జగన్నాద్ వడిమెల్ల

కవికిరీటి మీకు నేను ఏకలవ్య శిష్యుడను అంటూ ఉక్కిరిబిక్కిరిచేసే సోదరుడయ్యారు.

ఉదయ కుమార్

తను రాసిన వీరి వీరి గుమ్మడిపండులో నన్నూ చేర్చడంద్వారా చేరువయ్యి నేను విశాఖ వెళ్ళినప్పుడు నా కవిత్వం గురించి సభలో పరిచయంచేసారు.

శ్రీనివాస్ వాసుదేవ్

రసవత్తరంగా రాసే కవిత్వంతో పాటు అంతే రసవత్తరంగా ఆయన అభిప్రాయలు వెలిబుచ్చడం నన్ను సన్మోహనపరచాయి. గ్రూపులో బైబిలు వాక్యాలను పోస్టు చేయమని ఉదయమే చదవడం చాలా బాగుంటుదని అని బాధ్యతనిచ్చారు.

శ్యామిలి నయబిల్లి
పోస్టు చేయగానే లైకు పెట్టదానికి ముందువుంటుంది. ఎప్పుడు ఆన్‌లైనులోనే కనిపిస్తుంది. ఎప్పుడు నిద్రపోతుందా అనేది నా అనుమానం

ప్రవీణ కొల్లి జ్యోతి బొమ్ము , విజయభాను

తమదైన గొంతులతో కవిత్వాన్ని వ్యక్తీకరిస్తూ నాకెందుకో వీరి కవిత్వాన్ని చదవాలనే ఆసక్తిని కలిగించారు

కల్లూరి శైలబాల

తక్కువ పరిచయం ఎక్కువ ఇంపాక్ట్ /అనుభవం

ఓరోజు మీ కవితా నేపద్యం రాయండి అని ఒక పోస్టువేసారామె. దానికి స్పందిస్తూ నేను కొన్ని పోస్టులు రాసాను. రెండుమూడు పోస్టుల మినహా మిగతావి అమె చూసినట్టు నాకు అనిపించలేదు. ఎవరికి వారు అక్షరాల వెనుక, అక్షరాల మధ్య చదువుకునేది కవిత్వం. నేపద్యం పాఠకుడికి చెప్పడంవల్ల అక్షరాల ముందు వెనుక, మధ్య అనే పరిధికి పరిమితులు గీసినట్టు అవుతుంది. అదే విషయం మిత్రులు చెప్పారు, ఇది కోరినది శైలబాల అయినా నన్ను నేను పునః పరిశీలించుకోవడానికి దోహదపడుతుందని రాసాను.

అవి ఒక డాక్యుమెంటుగా పొందు పరచాను. మరోసారి పోస్టుచేస్తాను.

కొన్నిరోజులతర్వాత మళ్ళి గ్రూపులో కనబడి ఎదో అడిగారు ఆమె. ఇలా అడుగుతారు మళ్ళీ కనబడరు అనేసరికి కోపమొచ్చినట్టువుంది. ఆ పోస్టును డిలీట్ చేసారు మళ్ళీ నాకు గ్రూపుల్లో తారస పడలేదు.

* * *

మూడునెలల శెలవుల తర్వాత ఉద్యోగానికి వెళ్ళడం ప్రారంభించాను. ఆఫీసు అవసరాల దృష్ట్యా ఎప్పుడూ ఆన్‌లైను ఉండటం వల్ల ఫేసుబుక్కులోకి తొంగిచూసే అవకాశం చిక్కింది.

మెల్ల మెల్లగా పనిభారం పెరుగుతూ వచ్చింది. అలా రావటంవల్ల చదివిన వాటికి అభిప్రాయాలు రాసే సమయం తగ్గిపోయింది.

సెప్టెంబరు 5న చాలారోజుల తర్వాత వురకలేసిన నా కలం - అనే కవిత రాసాను. అది చాలారోజుల తర్వాత రాసిన కవిత అది. దాని తర్వాత రాయటం తరుముకొచ్చింది.

------------------

ఈ మద్యలోనే చేసిన ఇతర పనులు

ఎప్పుడో రాసిన ప్రేమాంతరంగం - కావ్యాన్ని బ్లాగులో పోస్టుచేసాను.

తెలుగు ఇంగ్లీసులలో వచనం వంబడి వచనంగా బైబిలులోని అధ్యాయాలు తెలుగు బైబిలు బ్లాగులో పోస్టుచేసాను.

--------------

ఎక్కువసమయం ఆ ఫేసుబుక్కులోనే గడుపుతున్నావు అని నా ప్రక్కటెముక హెచ్చరిస్తుంది

అందుకే కొన్నిరోజులు అప్పుడప్పుడూ మాత్రమే కనిపిస్తాను.

నా అభిప్రాయాలు రాస్తే బాగుంటుందని ఎదురుచూసి ఎవరైనా నిరుత్సాహం చెందితే మన్నించండి.

సీత కష్టాలు సీతవి, పీత కష్టాలు పీతవి

గోదారి అనుబందం -3

2011-11-11T17:52:00.002+05:30

తూర్పు కనుమల కొండల్లో

ఉదయసంధ్యారాగాల నడుమ

ధ్వనించే గుండె చప్పుడు

అది గోదారి అలల రాగం

దూరాన కొండ ఎంతచిన్నదో
ఎక్కేకొద్దీ తరగనిది
జలకమాడిన గోదారి
సాగిపోతున్నది అనంతమై

* * *

తీరాలవెంబడి అడుగులు
పడిలేచిన మడుగులు
బ్రతుకున చూపినవవి
లోకంలోని తీరుతెన్నులు

పడవెక్కిన బాల్యం
ఇంగ్లాండు బ్రిడ్జిని తాకినట్టు
కలలు కన్న కనులు
అలలవెంబడి తళుకులు
* * *
అలలపై తేలి అలావెళుతుంటేను
పాడకుండా మానేనా మనసు
"కొండగాలి తిరిగింది
గుండె వుసులాడింది" అని
---------------------------
Thanks to Jyothi Rao Photos from
http://www.facebook.com/media/set/?set=a.286548298035590.73571.100000412657874&type=1&notif_t=photo_album_reply

10.10.2011 న విశాఖ మండే మొజాయిక్ - కొన్ని చిత్రాలు

2011-11-03T08:57:00.011+05:30

నన్ను ఆహ్వానించినందుకు, ఇందులోని ఫోటోలను ఇచ్చినందుకు
మొదట జగతి జగద్ధాత్రి
గారికిధన్యవాదాలు

అక్క, బావల నూతన గృహప్రవేసానికి విశాఖ వెళ్ళాను.

పనిలో పనిగా మండే మొజాయిక్ ఆహ్వానం అందింది.

10.10.2011 ఉదయం కాళీగా ఉండలేక అలా ఆర్కె బీచ్, కైలాసగిరి తిరిగేసారికి కొంచెం అలసిపోయినట్టు అయింది. కైలాసగిరిలో రోప్, కొండపై రైలు మంచి అనుభూతి నిచ్చాయి.

విశాకను సముద్రాన్ని కొండపైనుంచి చూడటం కొత్త అనుభూతే.

ఇక మండే మొజాయిక్ గురించి

చల్లని సాయంకాలం, విశాలకాశంలో పరుస్తున్న శరత్ వెన్నెల క్రింద సమావేశం.

శ్రీ ఎల్.ఆర్. స్వామి గారు అధ్యక్షత వహించారు, జగతి గారు అథిదిగా నన్ను ఆహ్వనించారు.

మండే మొజాయిక్ సంవత్సర కాలం కార్యక్రమాలపై బాబు మాట్లాడారు.

ఈ మద్య కాలంలో నేను రాసిన ఊయలలూగే మనసు

మనసా ఊగవే ఉయ్యాల
ఊగి ఊగి సాగవే ఈ వేళ

మది కురిసిన వెన్నెల్లో
సన్నని పిల్లగాలి తీవెల్లో
మురిపించే రేయి కౌగిట్లో
మురిసి మురిసి ఊగవే ఉయ్యాల

పట్టాల మెయిలులపై
చెట్టపట్టాల ఈ మెయిలుల్లో
ప్రియుడంపిన సందేశం
తలచి తలచి ఊగవే ఉయ్యాల

గాలి మరచిన ఈ గాలుల్లో
కులుకు జారిన ఈ వేళల్లో
జల్లులా తడిసిన చిన్ని అభినందనకు
తడిసి తడిసి ఊగవే ఉయ్యాల

ఎదురుచూపుల దూరాలు
ఎదను కలిపిన తీరాలుగా
చెవిలో సెల్పోను గుసగుసలను

మరి మరి తలచి ఊగవే ఉయ్యాల

శ్రీమతి జ్యోతిర్మయి స్వరపరచి వినిపించడం నాకు కొంచెం ఉత్కంటే అయ్యింది.

శ్రీ ఉదయ కుమార్ నా "అలలపై కలలతీగ" పుస్తకము మరియు కొన్ని ఇతర కవిత్వాన్ని పరిచయం చేసారు.

ఇక నేను మాట్లాడమని మైకు ఇచ్చేసరికి

విశాఖలో సాహిత్య కార్యక్రమంలో పాల్గనడం ఇదేమీ కొత్త కాదు. ఇది మూడవసారి. మొదటిసారి 26, 27 ఫిబ్రవరి 2005 లో 25 గంటల కవి సమ్మేళనంలో పాల్గొనడం జరిగింది. అక్కడ నాకు కొందరు సాహిత్య మిత్రులు ఏర్పడి ఇప్పటికి మిత్రులుగా కొనసాగుతున్నారు వారిలో ముఖ్యులు శ్రీ అంగళకుర్తి విద్యాసాగర్, అప్పట్లో ఆయన గిరిజనాభివృద్ది సంస్థలో ఉన్నారు. ఈ సారి ఎవరిని కలుపుతుందో ఈ సమావేశం.

గత పదిహేను సంవత్సరాల క్రితం నాకున్న మద్యపాన వ్యసనాన్ని మానటం కోసం చేసిన అనేక ప్రయత్నాలలో కవిత్వం నన్ను పట్టుకుంది. చదువుతూ చదువుతూ నా వ్యసనం ఏమయ్యిందో తెలియదు.

నా కవిత్వాని విశ్లేషిస్తూ నారాయణరెడ్డిని, శివారెడ్డిని ఉదహరించారు. నేను కవిత్వం రాయాలనుజున్న తొలినాళ్ళలో శివారెడ్డి చెప్పే ఒక మాట. “ఒక కవితని విభిన్న రీతులలో రాసి చూసుకోవడం వల్ల దానిలోని లోతు పాతులు, పొరపాట్లు తెలుస్తాయని, బాగున్న దాన్ని ఎవరికి వారే ఎంచుకోవచ్చు”. ఈ మాటలు నాకు చాలా నచ్చడంవల్ల పాటించాను కూడా. అందువల్ల శివారెడ్డి ప్రభావం నా కవిత్వంపై ఉండవచ్చు.

బాబు మాట్లాడిన దానికి జోడింపుగా ఒక మాట కవిత్వం రాయడానికి /సృజన చేయడానికి మొదడులోని ఒక భాగపై వత్తిడి వుంటుంది. అదే అంతర్జాలంలో కవిత్వాన్ని రాయలంటే మెదడులోని రెండు భాగలపై వత్తిడి పడుతుంది. ఒకటి సృజన, రెండవది సాకేతికం. దీనిని కొత్తతరం అందిబుచ్చుకుంటుంది, కాని పాత తరం అందుకోవడానికి అవస్థ పడుతుంది.

నేను అంతర్జాలంలో బ్లాగు మొదలుపెట్టినప్పుడు సుమారు 200 మంది మాత్రమే బ్లాగర్లు వుండేవారు. ఇప్పుడు ఆ సంఖ్య పెరిగింది

కవిత్వాన్ని నా బ్లాగుల్లో చదవ వచ్చు.

సం"గతులు"(జాన్ హైడ్ కనుమూరి) సం " గతులు "

అలలపై కలలతీగ(జాన్ హైడ్ కనుమూరి)

ప్రేమాంతరంగం ప్రేమ కావ్యం ప్రేమాంతరంగం (ఆలోచనలు, అనుభవాలు, పరిశీలనలు)

కొన్ని క్రైస్తవ ఆలోచనలు కోసం నడక
తెలుగు ఇంగ్లీషులలో బైబిలు తెలుగుబైబిలు

నేను చదివిన కొన్ని కవితలలో కొన్ని ఇక్కడ

రెండు గదుల స్వేచ్చ

రెండు గదుల్లోకి

జీవితాన్ని సర్దుకున్నప్పుడే

సగం స్వేచ్చకు సంకేళ్ళు వేయబడ్డాయి

అప్పుడప్పుడూ

అతిథులై పలుకరించే అవసరాలలో

మౌనంగా ముడుచుకుంటుంది

అటూ ఇటూ తిరిగే పిల్లలమధ్య

కళ్ళుతెరిచేలోగా

తృప్తి అసంతృప్తుల మధ్య

తెల్లవెంట్రుకలేవో పొడుచుకొస్తాయి

గొంతులో అల్లలాడిన పలుకులు

గుటకలై మిగిలిన స్వేచ్చ

జ్ఞాపకాలుగా

వంటగదిలో వేళ్ళాడే చిత్రపటాలౌతాయి

అలుపెరుగని దేహం

వోవర్ హాలింగు కోరుకుంటుంది

కుంటుతున్న ఆర్థిక ద్వారం

తుప్పట్టిన మడతబందుల మధ్య యిరుక్కొని

తెరుచుకోనంటుంది

శిశిరం అకాలంగా ముసిరితే

రాలుతున్న ఆకుల్లోచి తెగిపడ్డ స్వేచ్చ

తన సంకెళ్ళను తానే విప్పుకొని

మరో రెండుగదుల జీవితాన్ని వెదుక్కుంటుంది.
****

చివరిగా స్వామి గారు పోస్టాఫీసు(Translation of Ravindranath Tagoore) , కథా కేరళం పుస్తకాలనిచ్చారు.

పుస్పగుచ్చాన్నిచి సత్కరించారు

నేను నా ప్రక్కటెముక విజయ గ్రేస్

********

ప్రవాహమెటు?

2011-09-29T17:49:00.001+05:30

ఇక్కడ
నదులన్నీ
గొట్టపు బావులుగా మారి
గోట్టాల్లో ప్రవహిస్తున్నాయి

నీవు చెప్పే లెక్కలేవీ తప్పుకావు

ప్రవాహ కొనగోటి కోసం
అడవిదారిలొ అహల్య

పరిమళాల అత్తరు పగులగొట్టి
పాదాలకు రాయాలని ఒ మరియ

కొత్తచిగురును తొడగాలని
ప్రసవ వేదన పడుతున్న
ఎన్నొ కొమ్మలు

చల్లని సాయంకాలాల
స్నానమాడాలని
పక్షులు, జంతువులు

ఎదురుచూపంతా
ప్రవాహం కోసం

గోదారి అనుబందం -2

2011-09-20T10:21:00.000+05:30

పడవనెక్కిన బాల్యం
ఓడనెక్కినట్టు సంబరం
తెడ్డును పరీకించిన కనులు
జీవితాన్ని చిత్రించిన రీళ్ళు
***
వాలుకు తెరచాపైనా
ఎదురుకు గడసాయమైనా
పడవెనక పారిపోతున్న అలలు
జీవితాన్నిపయనించడం నేర్పిన పనిముట్లు
* * *
ఎలా మరువగలను
వెన్నెల జలకమాడించి
పరుగులు నేర్పిన ఆ ఇసుకతెన్నలను
పచ్చదనాల నా బాల్యాన్ని

* * * *

( ఫోటో : కొండవీటి సత్యవతి )

గోదారి అనుబందం

2011-09-17T15:53:00.000+05:30

బాల్యంలో ఈ పచ్చదనాన్ని

నాకెవరో నలుగు పెట్టారు

ఇప్పుడది

గుండెల్లోకి ఇంకింది

బాల్యానెవరో చెక్కారు

ఆ బడిలోనో ప్రక్కనున్న గూడిలోనో

ఇప్పుడది

జ్ఞానపు కొమ్మల్లో వూగుతుంది

****

ఈతలు నేర్పారెవరో

ఈ నీళ్ళలోనే

ఇప్పుడు

నగరాన్ని ఈదగలుగుతున్నా

(అంతర్వేదికి, గోదారికి, కొండవీటి సత్యవతి గారికి, సుజాత గారికి)

అమ్మ మనసున సంతసం

2011-09-03T11:59:00.001+05:30

సంతసం అహఁ హఁ సంతసం

నా హృదయముప్పొంగుచున్నది

నీ వొసంగిన మేలులకై

ఆశీర్వాదపు జల్లులతో తడిపి

అనురాగపు పరిమళములతో నింపి

నీ బహుమానముల నొసగినందున

సంతసం అహఁ హఁ సంతసం

విజ్ఞానపు వినువీధులలో

మా జ్ఞానపు లోతులకతీతమై

నా గర్భమున ఫలము నొసంగినందున

సంతసం అహఁ హఁ సంతసం

ధాత్రిలో ప్రతి ప్రసవం వేదన చేసి

ధృతినిచ్చి రోదన బాధలు దీర్చి

ప్రతినిత్యం కృపలతో నింపుచున్నందున

సంతసం అహఁ హఁ సంతసం

నీవిచ్చిన స్వాస్థ్యములభిమానముతో

నీ దయలో పెద్దల దీవెనలతో పెంచే

బుద్ది కుశలతకై ప్రార్థించ గలిగినందున

సంతసం అహఁ హఁ సంతసం

----------------------------------------------------

ప్రతి తల్లి మనసులో పొంగే భావానికి చిన్న ప్రయత్నం

ఈ రోజు పుట్టిన రోజు జరుపుకుంటున్న

అగష్టస్ - లీనాల కుమారుడు రాల్ప్ సుందర్ సింగ్ కనుమూరి

సత్యానంద్ - పద్మల కుమారుడు చైతన్య కనుమూరికి

గాబ్రియేలు - కృపారోజ్ ల కుమార్తె షైనీ లిడియా

అభినందనలతో

మదిలో మెదిలే అపురూప రూపం

2011-08-28T08:03:00.001+05:30

నీ రూపం అది అపురూపం
లీలగా మందార మాలగా
మకరంద ధారగా
నాలో నిలచి, నాలో నింపి
నిన్నే వలపింప చేస్తుంది
నన్నే మరిపింప చేస్తుంది

ఒంటరివేళ తుంటరిగా దరిచేరి
మురిపించి మైమరపించి
ఎదగిల్లి మదినల్లి
కవ్వింతల కలవరింతలతో
కళ్ళలో మెదిలేను

కళ్ళుమూస్తే కళ్ళలోచేరి
కళ్ళు తెరిస్తే ఎదలోచేరి
చెక్కిలి చిదిమి కౌగిలి నదిమి
గిలిగింతల పలవరింతలతో
తలపుల్లో తడిమేను

కఠినశిలనైన నన్ను తడిమి, తురిమి
మది తెరచి నను మలచి
ముద్దగా మైనపు ముద్దగా
జీవమై నాదమై

నా జీవితపు వేదమై కదిలేను

రంగు రంగుల పరిమళం

2011-08-26T15:49:00.002+05:30

కొమ్మల నడిగా
రెమ్మల నడిగా
నీలో సొగసు ఎక్కడిదని
పూవులనడిగా
రేకలనడిగా
నీలో పరిమళం ఎక్కడిదని

నీ అపురూపవడిలో
నీ ప్రేమజడిలో
మొలచి తడిసి
వడివడిగా నడయాడగా
నీవిచ్చినదే ఈ సొగసు
నీవిచ్చినదే ఈ పరిమళం

చిలుకలనడిగా
సీతాకోక చిలుకలనడిగా
నీ మేనిలోని వర్ణమెక్కడిదని

నీ సహచర్యంలో
నా దినచర్యలలో
కలిపి పులిమి
నీ చెలిమి నా బలిమి కలిమిగా
నీ విచ్చినదే ఆ వర్ణం
వర్ణానికే పేరిచ్చిన చందం

--------------------------------------------

తొలి సంకలనం హృదయాంజలి (మార్చి 2004) లోనిది

నీ కోసం నా మది

2011-08-25T15:17:00.000+05:30

హద్దులు చెరిపేస్తా నీ కోసం
సరిహద్దులు మార్చేస్తా నీ కోసం
కొండలు దాటి కోనలుదాటి
ఎల్లలులేని కల్లలులేని
నవలోకం నిర్మిస్తా నీ కోసం

వినీలాకాశంలో రంగుల హరివిల్లు తేలేను నీ కోసం
తెరచివుంచిన రంగులమదినే పరిచేస్తా నీ కోసం

గగనంలో మెరిసే తారను తెంపలేను నీ కోసం
రెక్కలువిప్పిన సౌధాలకై ప్రక్కనుండగలనునీ కోసం

విరిసిన వెన్నెల చల్లదనం పట్టలేను నీ కోసం
గుండెలనిండిన అనురాగాన్ని ఆరబోయగలను నీ కోసం

లలిత పదజాలంతో కవితలల్లలేను నీ కోసం
మమతనెరిగిన ఓ మాట పలుకగలను నీ కోసం

ఊగిసలాడే మనసు ఊసులు

2011-08-24T06:22:00.001+05:30

చిగురాకుల మాటున దాగిన
ఆకుల కొమ్మల మాటున రెమ్మలదాగిన
కొత్తచిగురల వగరులతో
ఒదిగి ఎదగాలని
ఊగిసలాడుతోంది మనసు

సొగసులొలుకు పూరేకులతో
పూరెమ్మల పరిమళాలలో
చిరుగాలి అలలతోచేరి
కొమ్మకొమ్మను రెమ్మ రెమ్మను తాకాలని
ఊగిసలాడుతోంది మనసు

కూనిరాగాల తుమ్మెదల చేరి
పువ్వు పువ్వున మకరందాన్ని గ్రోలి
తనువంతా మధురంచేసే
ఓ కొత్త రాగమాలపించాలని
ఊగిసలాడుతోంది మనసు

కిలకిలరావల పక్షులతోచేరి
కొమ్మరెమ్మల ఊయలూగి
భాషకందని భావాలతేలి
కోకిలగానాల వగరు పొగరుతో
ఉత్సాహపు చిటారుకొమ్మలు తాకాలని
ఊగిసలాడుతోంది మనసు

--------------------------------------------

తొలినాళ్ళ మనసు ఊగిసలాట

నీవు నిండిన మనసు

2011-08-19T21:01:00.000+05:30

నీవే వున్నావు..
నా మనసంతా నీవే వున్నావు
నా తలపుల్లో నా మలుపుల్లో

కనురెప్పల కలత నిదురలో
తళ్ళుక్కున మెరిసే మెరుపులా
రెప్పల్లో కనువిప్పుల్లో
నీవే వున్నావు..

ఉడికించే వడగాలుల్లో
సోలిపోని మల్లెల మాలగా
స్వేదంలో అనుస్వాదనలో
నీవే వున్నావు..

పయనించే జీవన దారుల్లో
తోడుండే ధైర్యపు నీడగా
అడుగుల్లో అడుగుజాడల్లో
నీవే వున్నావు..

ఊయలలూగే మనసు

2011-08-19T07:34:00.001+05:30

ఎదురుచూపుల దూరాలు
ఎదను కలిపిన తీరాలుగా
చెవిలో సెల్పోను గుసగుసలను

మరి మరి తలచి ఊగవే ఉయ్యాల

గానం ప్రవాహం కాదా!!

2011-08-17T21:49:00.000+05:30

పలకాలి గా రాగం
పాడాలి లే గానం
హృదినిండిన వేళ
మది పొంగి రాదా!
గానం ప్రవాహం కాదా!!

మీటినదెవరో
పలికినదేదో!
చినుకు చినుకుల పలుకులు
పదములల్లిన జల్లులు
తడిసినా వెల్లువ
గానం ప్రవాహం కాదా!!

దాచిన రాగాలు
పలికిన భావాలు
సరిగమల సరాగాలు
గమకాల జావళులు
సవ్వడిచేసే వేళలో
గానం ప్రవాహం కాదా!!

పులకింతల పున్నమి
నడయాడే చెలిమి
ఆశలే ఊసులై
పూలదారులై పరచి
గుండె రేపే గుబులుతో
గానం ప్రవాహం కాదా!!

ఎదురుచూసా ప్రతిక్షణం

2011-08-13T20:58:00.000+05:30

ఎదురుచూసా ప్రతిక్షణం
ఊహలవేగంతో ఎగిరొస్తావని
కనులలో కదిలే
కలలకే రూపం ఇస్తావని

విడివడిపొయిన ముంగురులు
పడిగాపుల చూపులు
విసిగి వేసారి
నిట్టూర్పుల సెగలైపోవగా...

ముంగురులనే సవరించగ
మోముపై కదలాడిన వేలికొనలు
గిలిగింతలై నడయాడేనని
ఎదురుచూసా ప్రతిక్షణం

సతమతమయ్యే పనులు
మదికలచే గిరులు
కలచి నిలచి కుతకుతలాడగా
కదులుతుంటే
ఊతమిచ్చే మోతాదుగా
చెవిలో పలికే పలుకులు
మూటల ధైర్యమయ్యేనని
ఎదురుచూసా ప్రతిక్షణం .

భద్రంగా

2011-08-13T03:12:00.002+05:30

ఓ చెలీ!
అనుభూతులు మాలలుగా
జ్ఞాపకాల పొరలమాటున
దాచాను భావాలే!
రాసాను కావ్యాలే!

తొలిచూపు నవ్వులనే
వాడిపోని రేకులలో
ఏరుకున్న పువ్వులుగా
మనసు పొరల కితాబులో
మలచివుంచాను భద్రంగా

నిదుర రాని కళ్ళలో
నిలుపుకొన్న బొమ్మగా
చెదరిపోని రంగులతో
అల్లుకున్న రుమాలుగా
దాచివుంచాను భద్రంగా

పరాకులో చిరాకులో
ఆదమరచి నేనుండగా
చిరుగాలివై అలరించిన
జారినకురులలో కుసుమంగా
తలచివుంచాను భద్రంగా
---------------------
ఇది రాయటంలో ప్రోత్సాహపు స్పూర్తినిచ్చిన జగతి కి ధన్యవాదములతో

నీలిమేఘం

2011-08-12T14:53:00.004+05:30

మేఘం నీలిమేఘం
రంగుల హరివిల్లుకై
చినుకులిచ్చిన మేఘం

వింజామరలా చిరుగాలి స్పర్శతో
యదలో దాచిన వూసులకు
వూతమిచ్చి రేకులు తొడిగి
తునీగలై తారాడగా
తుంపరలనిచ్చిన మేఘం

చినుకు చినుకులారాలి
మనసులో ముడుచుకున్న
భావాలు రాగాలుగా చేసి
కమ్మని గీతాలు నే పాడగా
తనువునే తడిపిన మేఘం

కానరాని చెలియ చూపులు
తరిమి తరిమి వెదకుతుంటే
రెప్పలమాటునున్న కలలు
పురివిప్పి నాట్యమాడగ
పులకరింపచేసిన మేఘం

పల్లకిలో ఊరేగింపు

2011-08-11T17:06:00.000+05:30

పల్లకిలో ఊరేగింపు
తొలి సిగ్గుల మేళవింపు
కళ్ళలో ఇంద్రధస్సు
మేనిలో క్రొత్తసొగసు
ఒహోం ఒహోం హోయ్

ఫ్రీజర్‌లో బద్రమైన ఊహలు
గీజర్‌లో కాగుతున్న ఆశలు
గుబాళింపుల పరిమళాలై
ముందునడుస్తూ మున్ముందుకు నడుస్తూ

కలలే ఓ చిగురాకు
పండిన గోరింటాకు
నున్నని బుగ్గలపై చేరి
మెరిసి మురిపిస్తూ మైమరపిస్తూ

గుసగుసలాడే ఆశల ఊసులు
బుస బుస పొంగే కోరికల తూపులు
రాగాలై సరాగాల మేళాలై
వీధుల్లో వినువీధుల్లో ఆలపిస్తూ

రెవ. ఆర్.ఆర్.కె. మూర్తి గారు ప్రభువు మహిమలో నిద్రించారు.

2011-07-16T09:42:00.002+05:30

Acharya Rayasam Radha Krishana Murthy well known to the world as RRK Murthy

Born 1927 February, 1927

Expired 2011 July, 2011

సరలమైన తెలుగులో బైబిలు పాటాలను అనేకులకు రేడియో ద్వారా అందించి చివరిశ్వాసవరకు కృషి చేసిన రెవ. ఆర్.ఆర్.కె. మూర్తి గారు ప్రభువు మహిమలో నిద్రించారు.

ఆయన చేసిన కృషి నిరంతరము మనముందువుంటుంది. Almost 57 years

Prayer will be at 2 PM at Ramanthapur baptist Church

సమాధి 17.7.2011 సాయత్రం 3 గంటలకు Hyderabad, నారాయణగుడలోని సమాధులతోటలో జరుగుతుందని విన్నాను

To read his Testimony : http://www.uecf.net/rrk_testimony.pdf

నేను - సముద్రం- విశాఖ

2011-06-30T18:27:00.000+05:30

ఆపుడప్పుడూ చూసే
సముద్రమంటే ఎదో భయం

దూరాన్నుంచి చూస్తున్న
కెరటం ఎగసిపడి
నన్నెప్పుడూ తనలోకి లాక్కోలేదు

అడుగులు ముందుకేసినప్పుడు
పాదాన్ని తాకిన నురుగు
అనంత అనుభవాల లోతుల్లోకి
స్వాగతం పలుకుతోంది

హోరెత్తే ధ్వని పదే పదే చెబుతోంది
అలలపై తేలియాడటం
అలల్లో మునగడం
నా చేతుల్లోనేవుందని.

ఈ-పుస్తకము - ఫాదర్స్ డే

2011-06-29T09:21:00.000+05:30

ఫాదర్స్ డే సందర్భముగా స్పందించి టపాలు రాసిన వారందరికి అభినందనలు తెలియజేస్తున్నాను
నా దృష్టికి వచ్చినవి సేకరించడము జరిగింది.

ఇప్పటికే ఈ-పుస్తకముగా తేవాల్సింది.
నా ఆరోగ్య పరిస్థితులు మరియు సిస్టం సమస్యలవలన

కొంచెం ఆలస్యమయ్యింది.
త్వరలో సమస్యలనధిగమించి

ఈ-పుస్తకాన్ని మీ ముందుంచుతాను.

Father's Day on 19.6.2011 - నాన్న సంకలనం

2011-06-17T15:27:00.002+05:30

19.6.2011 ఆదివారము ఫాదర్స్ డే
మీరు నాన్నను గురించిన టపా రాస్తే నాకు తెలియచేయండి.
ఇంకా రాయకపోతే ఇప్పుడు మొదలు పెట్టండి.

త్వరలో సంకలనం తీసుకురావటానికి
మీవంతు టపాలను పోస్టుచేసి సహకరించండి.
చెరిగిపోని జ్ఞాపకాని నమోదు చెయ్యండి
మీకు తెలిసిన మిత్రులకు కూడా తెలియచేయండి

అనేక : ఆవలితీరం ( వ్యాసం-1 )

2011-05-15T20:33:00.002+05:30

2000-2009 కాలంలో నేను ఎక్కడ, ఎటు, ఎలా… ఇలా నన్ను నేను బేరీజు వేసుకున్నప్పుడు, ఇదే కాలంలో నేను-సాహిత్యపు సాన్నిహిత్యాన్ని నెమరు వేసుకోవడానికి ఓ మహత్తర అవకాశం చిక్కింది. 1999 సంవత్సరం నాటికి నాకున్న మద్యపానానికి పూర్తి బానిసత్వం నా వ్యక్తిగతం. కంప్యూటరు నేర్చుకోవలసిన ఆవశ్యకత ఉద్యోగావసరం. వొక్కడి సంపాదనతో ఇద్దరిపిల్లలతో నగరంలో అద్దె ఇంట్లో గుట్టుగా మధ్యతరగతి సంసారం చేసుకుంటున్న కుటుంబంలో నా భార్యకూడా పనిచేయాల్సిన అవసరం రావటం , వాటి పరిస్థితుల మధ్య నలిగిపోవటం కుటుంబ జీవితం. నా కుటుంబ పరిస్థితులు ఒడిదుడుకులలో సాగడానికి గల కారణాలను అన్వేషించలేదు కాని, బయట పడటానికి ఓ ఆలంబన కవిత్వం. ఏమి చదివానో ఏమి రాసానో గుర్తులేదు కానీ పదేళ్ళుపైన గడచిపోయాయి. మద్యపాన వ్యసనాన్నుండి నన్ను సంస్కరించిందీ కవిత్వం.

ఇక నా అస్థిత్వ-ఆర్థిక- సామాజిక స్థితిగతులను గురించి ఒక ముక్క కూడా మాట్లాడలేని స్థితిలోనే వున్నాను.వీటన్నిటి మధ్య “అనేక” పదేళ్ళకవిత్వంలో నాకూ ఓ చోటు దొరకటం లేదా ఆ చోటులోకి నేను చేరుకోవడం గొప్ప విశేషంగా భావిస్తాను నేను.

ఈ కాలంలో మొదలయ్యిన కవితా వార్షిక సంకలనాలు, వివిధ పత్రికల్లో వస్తున్న, అంతర్జాలంలో వస్తున్న వాటిని పరిశీలిస్తూనే వున్నందువల్ల ఇందులోని చాలా కవితలు చదువుతున్నప్పుడు ఇదివరకే ఈ కవిత చదివాను కదా అనే భావన కలిగింది. ఎనిమిది భాగాలున్న ఈ సంకలనంలో 182 కవితలతో 13 పేజీల సంపాదకుల పలుకులు, 373 పేజీల కవిత్వంతో వున్న పుస్తకం. ఎగిరే సీతాకోకచిలుకలు వాలిన అట్ట లోపలవున్న కవిత్వానికి సూచికగా మన కళ్ళముందు ఎగురుతుంటాయి. ఎవరికివారు లోపలికి పయనించాల్సిందే. కానీ నాకు పుస్తకాన్ని వెనుకనుంచి చదవటం అలవాటు. అదే పద్దతిలో చివరనుంచి రెండు భా గాలను చదివాను.

సృజనలోకం, వరంగల్ ప్రచురించిన “కవితా వార్షిక -2006” ను 18 మార్చి 2007 తేదిన, వరంగల్ ఆర్ట్స్ అండ్ సైన్స్ కళాశాల సెమినార్ హాల్, హనుమకొండ ఆవిష్కరణ సభలో కొండేపూడి నిర్మల మాట్లాడుతూ వ్యక్త పరచిన అనుమానం నిజం కాదని ఈ సంకలనం నిరూపిస్తుంది. ఎందుకంటే ఈ భాగంలో వున్న (కవులు, కవియత్రులు) ఎక్కువమంది కొత్తవారు మరియు యువకులు ఉండటం విశేషం. ‘మనిషి వస్తువుకింద పడి చచ్చాడు’ ఓ కవి అన్నవాక్యాలను గుర్తుచేస్తూ వస్తువుకున్న ప్రాముఖ్యత సంకలనం ద్వారా యువతరానికి చేరుతుందాయని ప్రశ్నించారు. యువతకోసం చేతులు కాల్చుకోవల్సివుంటుందని చమత్కరించారు. ప్రపంచీకరణమీద ఎలా దాడి చెయ్యాలి అనేది, వక్తీకరణశక్తి మీద ఆధారపడివుంటుంది. నిజమైన కవిత్వానికి, కవికి వేదికలు తక్కువయ్యాయని చెబుతూ ‘చివరి చిరునామా’ తో ముగించారు

అయితే అనేకలోని కొత్త కవులను, అందులోనూ యువతను చూస్తుంటే కొండేపూడి నిర్మల గారి ప్రశ్నకు జవాబు దొరికి నట్టే అనిపిస్తుంది నాకు.

ఆవలితీరం : ఇందులో 17 కవితలు వున్నాయి. ప్రవాసానికి, వలస సాహిత్యానికి ప్రతీకగా ఈ భాగం వుంది. అది వలసపోవటమా లేక ప్రవాసమా ఏదైనప్పటికి ఆ వదిలివెళ్ళిన నేలను, వదిలివెళ్ళిన మనుషులను, జ్ఞాపకాలలోకి లాక్కెళుతుంది. సంగినేని రవీంద్ర కవిత “బొంబాయి బస్సు” మనల్ని కరీంనగర్ బస్సుస్టాండుకు తీసుకువెళుతుంది. వలసపోవల్సిన అవసరాన్ని గుర్తించి వీడ్కోలు చెబుతున్న దృశ్యం లోని భావాలని వొలికిస్తాడు.

నా తల్లి చేతిబువ్వ మల్లెప్పుడో

నా పల్లె మట్టి గంధం మరకెప్పుడో…

అని పలవరిస్తూ, రోదిస్తో కదిలిపోతున్న గుండె బరువు మన హృదయాలలోకి ఇంకడం మొదలౌతుంది. కదిలిపోతున్న బస్సులోంచి..

అయ్యాడ్రైవర్ సార్!

జర ఆరంసే గాడీ చలావో

బస్సులోవున్నది జనం కాదు

అస్తవ్యస్త జీవితాల వ్యధాభరిత కన్నీళ్ళు

ఒలికిపోతాయి సుమా..

జర జాగ్రత్త మరి!!

వదిలివెళ్ళిన ఊరి అందాలను అనుభూతులను నెమరువేసుకుంటూ హేమంతపు వుదయాన్ని మనకళ్ళముందు అక్షరాలతో చిత్రీకరించారు రాధిక రిమ్మలపూడి. వేకువ ఝాములో గుడిలో మేఅకొలుపు గీతాలు, దోసిట్లో నింపుకోమంటూ పారిజాతాల పిలుపులు … ఇలా ధనుర్మాసపు అనుభూతులున్న ప్రతివారినీ వారివారి జ్ఞాపకాల్లోకి నడిపిస్తుంది. వలసపోవటంవల్ల ఖాళీ అయిన వూరు, కోల్పోతున్న వునికికై నారాయణస్వామి “యాడికి పోయిన్రు?” కవితలో హృదయ వేదనపడుతూ మనల్నీ అందులోకి నడిపిస్తాడు, మాండలికాన్ని ఆస్వాదించేలా చేస్తాడు.

వూర్లల్ల పిలుద్దామన్నా

ఒక్క వయస్సు పొల్లగాడు

కనబడలేదు…

వూర్లకు వూర్లే

ఎందుకు చిన్నబోయినయోనని

మెండకబోయిన కొమ్మలు

యెక్కలు బట్టి యేడుస్తున్నాయి.

జ్ఞాపకాలను పదిలపర్చుకుంటూ మరువం ఉష “ఈ జాడలు” కవితలో మారుతున్న కాలం జాడల మధ్య వెదకుతున్న జాడలే కనిపిస్తాయి.

తరం మారి ఆ చేతికర్ర

నాన్న చేతికొచ్చినా

అడుగడుగునా తాతయ్య జాడలే

అవసరంలేదని ఆ కవ్వం

అటక మీదకు చేర్చినా

అమ్మమ్మ చిలికిన వెన్న వాసన వీడలేదే

. …

అన్నిటా ఆజాడలే గాఢమైన నీడలే

ఏ జాడ నేను మరువగలను? లేదని ఏజాడకై నేను అన్వేషించను?

నను వీడక నా వెంబడే నడిచే ఈ జాడల్లు, నా గుండె వేసిన వూడలు

నగలపెట్టె ను మనముందు విప్పుతూ నిషిగంధ కనిపిస్తుంది.

నగలు పెట్టె

ఎన్నేళ్ళ అపురూప సేకరణో

పెట్టె నిండిపోయింది

…

అన్నీ ధరించి

ఆకస్మిల వైభవాన్ని

నీకు పరిచయంచేస్తే

ఏదీ నాకావల్సిన ఆమోదం?

…

అస్తిత్వానికి ప్రతీకగా

ఇంకా నా ముక్కున మెరుస్తున్న ముక్కుపుడక “

నగలలో కన్పించే పుడక ముక్కుకే వుండాలని నిర్ధారించినట్లు స్త్రీని వస్తువుచేసి ఇదే తన స్థానం అనిచెప్పే వస్తుతనం గురించి చెప్పకనే చెబుతుంది.

ధ్యానంలో కె.వి.ఎస్. రామారావు కుంచెలరంగుల్తో ఇంద్రజాలికుడ్ని దర్శించమంటాడు.

వర్షానంతరంలో – డా. వైదేహి శశిధర్, గుర్తుందా గోదావరీలో వినీల్ కుమార్ ప్రోదిచేసుకునే అనుభవాల జ్ఞాపకాలు, రవికిరణ్ తిమ్మిరెడ్డి బైపోలార్ భూతం, పద్మలత “అన్నీ చెప్పగల భాష” ఇలా కొన్ని అనుభవాలు, అనుభూతులతో ఆవలితీరం సుసపన్నమైదనే చెప్పాలి.

శ్రీ శివారెడ్డి అనేకకు రాసిన ప్రశంస :

అనేక ఒక గొప్ప ప్రయత్నం. నేననుకున్నదీ, చేద్దామనుకున్నదీ, బహుశా కలకన్నదీ అఫ్సరూ, వంశీకృష్ణా చేసి చూపించారు. కొత్త తరానికి చెందిన ప్రతిభావంతులయిన కవులు, గొప్ప ఊహాశక్తి కలిగిన కవులు, వస్తువులోకి ప్రవేశించి కళానిర్మాణం చేసే కొత్త తరం కవుల కవిత్వంతో ఈ పుస్తకం తేవడం నన్ను ముగ్దుణ్ణి చేసింది. నేనెప్పుడూ నా తరం కవులకీ , నా ముందు తరం కవులకీ చెబుతూ వుంటాను, ఈ కొత్త తరం కవుల్నించి మనం నేర్చుకోవసింది చాలావున్నది అని! ముఖ్యంగా తాజాతనం, వస్తువును ప్రదర్శించే తీరూ, దాన్ని కళారూపంగా మలిచే అభివ్యక్తి లాంటివి. బహుశా ఈ నాటి కవి పైపైకి మట్లాడం మానేసి, ఒకదాని ప్రభావం కలిగించిన అంతర్లోక సంక్షోభాలనించి మాట్లాడడం మొదలుపెట్టాడు. ఒక కొత్త సందర్భంలో పుట్టడమే వాళ్ళకొక గొప్పవరం. ప్రాగ్మెంటేషన్ అవుతున్న సందర్భంలో జీవితాన్ని అన్ని కోణాలనుంచి అన్ని పార్శాల నుంచి పట్టుకుంటానికి ఈ కొత్త తరం కవులు ప్రయత్నించారని అనేక చూపించింది. అఫ్సర్, వంశీకృష్ణల ముందు మాట ఇదివరకి మనం చూడని లోతుల్ని పార్శ్వాలని స్పృశించే ప్రయత్నంచేసింది.

ఈ భాగంలో అంతర్జాలంనుండి వెలువడిన కవితలను చేర్చడంద్వారా అంతర్జాలంలోని కవిత్వంవైపు అందరి దృష్టి ఆకర్షించగలది ఆశిస్తున్నాను.

అనంతరం

సాహిత్యంలో సూచికలాంటివారు కొందరు ఈ దశాబ్ద కాలంలో తుదిశ్వాసల గవినిలోనికి అడుగు పెట్టారు. అలాంటివారిని జ్ఞాపకం చేసుకోవటం అవసరమే కదా! ఈ భాగం మాత్రం మొక్కుబడిగా చేసినట్లనిపించింది. మరచిన వారిలో కొందరు

మద్దూరి నాగేశ్ బాబు
ఇస్మాయిల్
స్మైల్
గుంటూరు శేషేంద్ర శర్మ
భార్గవీ రావు……..

మిగతా భాగాలగురించి ఇంకోసారి రాస్తాను

**************************
పుటలు: 404, వెల : రూ. 199.
    డాలర్లలో : $ 9.99
    సంపాదకులు: అఫ్సర్, వంశీ కృష్ణ
    సారంగ సంపాదకులు: రాజ్ కారంచేడు
    సారంగ బుక్స్ మిగిలిన వివరాలకు: www.saarangabooks.com

    ఇండియాలో ప్రతులకు:
    Palapitta Books
    Flat No: 3, MIG -II
    Block-6, A.P.H.B.
    Baghlingampally,
    Hyderabad-500 044 AP India
    Direct: 040-27678430
    Mobile Phone: 984 878 7284
    Email: palapittabooks@gmail.com
------------------------------------------

Courtesy : Pustakam.net

అంతర్జాతీయ మహిళా దినోత్సవం శుభాభినందనలు

2011-03-08T11:34:00.000+05:30

అంతర్జాతీయ మహిళా దినోత్సవం

శుభాభినందనలు

ఎందరో మహిళా మూర్తులు ప్రగతి పథంలో
ముందుకు నడుస్తూ, నడిపిస్తూ
నిలిచిన ఈ క్షణం

శిరసువంచి నమస్కరిస్తున్నాను

జాన్ హైడ్ కనుమూరి

http://www.graphics18.com/wp-content/uploads/2010/03/women-s-day-greeting-cards

మిక్కిలినేని రాధాకృష్ణ - నివాళి

2011-02-25T12:34:00.001+05:30

కొన్ని సమయాలు అనుకొకుండా అద్భుతమైన అనుభూతినిస్తాయి.

అటువంటిదే ఏప్రిల్ 2005న నాకు జరిగింది.

అది నాకు ఎక్స్‌రే అవార్డు రావడం, దాని ప్రదానం శ్రీ మిక్కిలినేని రాధాకృష్ణ, శ్రి కె. శివారెడ్డి చేతులమీదుగా జరగటం.

ఆ అపురూప దృశ్యాలు మీకోసం

అపురూప జ్ఞాపకాన్నిచ్చిన శ్రీ మిక్కిలినేని రాధాకృష్ణ గారికి అశ్రు నివాళి

నాన్న సంకలనం

2010-12-29T18:47:00.002+05:30

పుస్తక ప్రదర్శన నా అనుభవాలు

2010-12-22T17:15:00.004+05:30

పుస్తక ప్రదర్శన నా అనుభవాలు

గత రెండు సంవత్సరాలుగా నేను పుస్తక ప్రదర్శనకు వెళ్ళలేకపోయాను. ఈ సారైనా వెళ్ళాలి అనుకున్నాను. చివరికి ఈ ఆదివారం (19.12.2010) అనుకోకుండా వెళ్ళి కొత సమయాన్ని గడిపి, కొన్ని పుస్తకాలను, కొన్ని జ్ఞాపకాలను వెంటతెచ్చుకున్నాను.

వాటిలో కొన్ని మీతో పంచుకుందామనే ఈ బ్లాగు రాయడం.

రెండువందల పైచిలుకు పుస్తకశాలలు వుండటం విశేషం. అందులో ఎక్కువ శాతం తెలుగువే వుండటం మరో విశేషం. నేను వెళ్లిన రోజు వర్మతో ముఖాముఖి జరిగింది. నాకు కనిపించినంతవరకు ఈ సీజన్‌లో హాట్ పుస్తకం "నా ఇష్టం"

కొద్దిసేపు ఈ తెలుగు స్టాలులో వుండటంతో కొంతమంది బ్లాగు మిత్రులను కలుసుకోవడజరిగింది. కొన్ని కబుర్లు, కొన్ని కాజాలు, పూతరేకులు, మిర్చి బజ్జీలు మా పళ్ళ మధ్య నలిగాయి.

అన్ని కంటే ముఖ్యంగా రోహిణీ ప్రసాద్ గారితో ఫొటోకు పోజులివ్వడం అనుభవం.

నా కోసం ఎదురుచూసిన ఈతెలుగు బాడ్జీ ఇదే!

అంతా ఒకసారి తిరిగి, కొన్ని పుస్తకాలు కొని బయటకు వచ్చినప్పాటినుంచి ఒక ప్రశ్న నన్ను వెంబడిస్తూనేవుంది. అదేమిటంటే ఇన్ని పుస్తకాల మధ్య ఒక్కటికూడా క్రైస్తవ, ముస్లిం సాహిత్యం కనబడకపోవటం.

ముఖ్యంగా బైబిలు తర్జుమా వల్లతెలుగు సాహిత్యానికి ఎనలేని మేలు జరిగింది అని పెద్దలు అంటూవుంటారు. అటువంటప్పుడు ఈ ప్రదర్శనలో ఒక్క స్టాలుకూడా లేదేమిటా అని?

ఒకటే ఆలోచనల పరంపర.

క్రైస్తవ సాహిత్యాన్ని అనువాదం చేసి ప్రచురించడానికి అనేక సంస్థలు పనిచేస్తున్నాయి.

మరి అలాంటివి ఏమైనాయి?

వారు ఇక్కడకు రారా?

ఇక్కడ వారు పనికి రారా?

లేక క్రైస్థవ్యంలో తెలుగు సాహిత్యం లేదా???????????????????

జ్వాలముఖి - నేను - కొన్ని జ్ఞాపకాలు

2010-12-13T17:49:00.002+05:30

సమయం త్వరిత గతిన పరుగెడుతుందని కొన్నిసార్లు అనిపిస్తుంది. కొంత స్పూర్తిని పొందిన నేను నిన్ననో, మొన్ననో ఆయనని కలిసాను అనిపిస్తుంది. ఆయన ప్రసంగించే తీరు, అనర్గళత ఆయనకు సాహిత్యంపై వున్న పట్టును చెప్పకనే చెబుతుంది.

2003 సంవత్సరం కవిత్వాన్ని రాస్తూ, తారసపడ్డవారికి వినిపిస్తూ కవిత్వ లోతుపాతుల్ని తెలుకుంటున్న సమయం. హైదరాబాదు తెలుగు యూనివర్సిటీ, ఆడిటోరియంలో ఉగాది కవిసమ్మేళనం జరిగింది. అందులో పాల్గొనాలని, నా కవిత చదవాలనే ఉత్సాహంతో అందరికంటే ముందుగా చేరాను. ఆ కార్యక్రమానికి నాయని కృష్ణ కుమారి గారు అధ్యక్షత వహించారు, ఉత్పల సత్యనరాయణ గారు ప్రత్యేక అథిదిగా వేదికనలంకరించారు.

వేదికనలంకరించిన వారిలో జ్వాలాముఖి ఒకరు. అవకాశం కల్పించాలని సభ నిర్వహిస్తున్నవారిని ముందుగానే పలుమార్లు కోరినప్పటికి ప్రముఖు సభ ఆలస్యంగా ప్రారంభమై, ఎవరికి వారు పనివుందంటూ తమకవిత్వాన్ని చదివి వెళ్ళిపోతున్నారు. జ్వాలాముఖి ముందస్తు ఎన్నికలపై కవిత చదివారు. చివరిగా కృష్ణకుమారి గారి విశ్లేషణ పూర్తయ్యింది. ఎంతకీ అవకాశం రాకపోయేసరికి కొంచెం అసహనాన్ని సభికులమద్య ప్రదర్శించే సరికి, ఎవరో కొద్దిగా చొరవతీసుకొని ముగ్గురికి సమయాన్ని ఇచ్చే ఏర్పాటు చేసారు. మొదటిసారి ఇలాంటి అవకాశం రావటం. భయం భయంగా, బెరుకు బెరుకుగానే "వసంతమా ఎప్పుడొచ్చావు నీవు" అనే కవిత చదివాను. ఎవరు ఎలా స్పందించారో కూడా తెలియలేదు. బయటకి వస్తున్నప్పుడు దగ్గరకు పిలిచి కొత్తగా రాస్తున్నట్లే లేదు. రాస్తూవుందు. బాగుంది కవిత అని భుజంపై చెయ్యివేసి మరీ అభినందించారు జ్వాలాముఖి. ఆ అభినందన నాకు చాలా స్పూర్తి నిచ్చింది.

తరువాత 2004లో విజయవాడలో, ఎక్స్ రే వారి ఆద్వర్యంలో 24 గంటల కవిసమ్మేళనం జరిగింది. అందులో నేను పాల్గొన్నాను. అప్పుడు కొంతమంది సీనియర్ కవులతో ఎక్కువ సమయం గడిపే అవకాశం కలిగింది. అందులో జ్వాలాముఖి ఒకరు. కార్యక్రమం చివరలో నాకు ఇచ్చిన జ్ఞాపిక అనుకోకుండా ఆయన చేతులమీదుగానే తీసుకోవడం జరిగింది. అప్పుడే నేను రాసిన "హసీనా" దీర్ఘ కవితకు పరిచయ వాక్యాలు రాయమని వారిని కోరను. కొన్ని నెలలు గడిచినా ఆయన ఎందుకో రాయలేదు. చివరికి ఆయన మాటలు లేకుండానే ఆ పుస్తకం బయటకు వచ్చింది. ఆయనతో నాలుగు మాటలు రాయించుకోవడం కోసమైనా కొంత రాయాలనిపించేది. ఆ కోరిక తీరకుండానే మిగిలిపోయింది.

ఆ తర్వాత చాలా సభల్లో కలిసినప్పుడు చాలా ఆత్మీయంగా పలకరించేవారు నన్ను. ఆయన ప్రసంగించే తీరు నన్ను ప్రతిసారీ అబ్బురపరచేది. క్రైస్తవ సమావేశాలలో నాకు మాట్లాడే అవకాశం కలిగినప్పుడు ఆయన శైలి అనుకరించే ప్రయత్నం చేసాను. ఆ శైలి నన్ను ఇప్పటికీ ఉత్తేజపరుస్తూనే వుంటుంది.

నెలనెలా వెన్నెల (హైదరబాదు)లో ఆయన మగ్దూం గురించి పంచుకున్న విషయాలు సాహిత్యంపై నన్ను మరింత ఆశక్తిని కలిగే టట్లు చేసింది.

ఒకరోజు హైదరాబాదు సెంట్రల్ లైబ్రరీలో ఎవరిదో పుస్తకావిష్కరణ జరుగుతుంది. నేను కూర్చున్న వెనుకనే ఆయన కూర్చున్నారు. కొద్దిసేపటి తర్వాత సాహిత్యప్రస్థానం చేతికిచ్చి చూసావా అని అడిగారు. ఎందుకు అలా అన్నారా అని అనుకుంటూనే పేజీలు తిరగేస్తుంటే అయనే .. కవిత బాగుంది అన్నారు. ఆ సంచికలో నా కవిత వుండటమే కాకుండా ఆయన వ్యాసం తర్వాత వుండటం విశేషం. ఇప్పటికీ నమ్మలేనిదే అనిపిస్తుంది.

(డిశెంబరు 14న ఆయన వర్థంతి సందర్భంగా కొన్ని జ్ఞాపకాలు )

బ్లాగర్ సమావేశం

2010-12-09T14:59:00.000+05:30

telugu blaagula dinOtsavamu

నీలగిరి దృశ్యాలు

2010-12-03T06:46:00.001+05:30

జీవిత దారుల్లో తన్మయ పరిచే కొన్ని అద్భుత దృశ్యాలు

వాటిని వెదుక్కుంటూ హత్తుకోవాలి

తటాకాలై మనల్ని మురిపిస్తాయి

కొత్త ఆలోచనా దారుల్ని మన ముందుంచుతాయి

ఆస్వాదిస్తూ, భుజంపైనో,మనసులోనో, మోసుకుంటూ సాగిపోవలసిందే !

తెలుగుబాటలో పాల్గొన్నవారికి అభినందనలు

2010-08-30T10:51:00.000+05:30

తెలుగుబాటలో పాల్గొన్నవారికి అభినందనలు
ఈ మధ్య నేను సరిగ్గా బ్లాగులోకాన్ని వీక్షించకపోవటం వల్ల తెలుగు బాట గురించి ముందుగా తెలుసుకోలేకపోయాను.
శనివారపు సాయత్రం వీవెన్ పోనుచేసి తప్పక రావాలని చెప్పాడు. నాతో పాటు నా పిల్లల్ని తీసుకొని వెల్దామనుకున్నా.
పిల్లలు రాలేమన్నారు. నాకుకూడా కొన్ని ప్రశ్నలు మొదలయ్యాయి.
నా పిల్లలచేత తెలుగు చదివించలేకపోతున్నాను. నాకు క్రమంగా వచ్చే పత్రికలన్నీ నేను మాత్రమే చదువుకుంటున్నాను. ఆటువంటప్పుడు నేను పాల్గొనటం ఎంత సమజం అనేది నన్ను తొలిచిన ప్రశ్న.
ఎందుకో ఈ తెలుగు నిర్వహించే కార్యక్రమాలలో పాల్గొనలేకపోతున్నాను.

'ఇంటర్నెట్లో తెలుగు సాహిత్యం

2010-08-21T10:28:00.000+05:30

చాలా సంతోషమనిపించింది.

నేను బ్లాగు మొదలుపిట్టిన మొదట్లో రీసెర్చికి కావసినంత విషయం వుందని, జరగాలని ఆశించినవాడిలో నేను ఒకణ్ణి.

ఇప్పుడు అది నిజం కాబోతుంది.

హలో ఫ్రెండ్స్..

నేను 'ఇంటర్నెట్లో తెలుగు సాహిత్యం ' అనే అంశం మీద పరిశోధన చేస్తున్నాను.అందుకోసం నేను మీ సహకారాన్ని కూడా కోరుతున్నాను.కింది ప్రశ్నలలో మీకు తెలిసిన సమాధానాలను విపులంగా నాకు తెలియ జేస్తారని ఆశిస్తున్నాను. ఈ ప్రశ్నలే కాక మీకు ఇంటర్నెట్ లో వున్న ఏ తెలుగు సమాచారమయినా , తెలుగు పత్రికలు,వెబ్ సైట్లూ... ఇలా తెలుగు కి సంబంధించిన ఏ విషయమయినా దయతో తెలియజేయండి.ఈ ప్రశ్నావళి నీ మీకు తెలిసిన మిత్రులకి కూడా పంపి సహకరించండి.

- అభినందనల తో

హేమలత పుట్ల

వెబ్ లో తెలుగు సాహిత్యం

1 ఇంటర్నెట్ లో తెలుగు సాహిత్యం ఉందని మీకు తెలుసా?

2. తెలిస్తే ఎటువంటి సాహిత్యం ఉందని భావిస్తున్నారు?

3.మీరు ఎక్కువగా ఇంటర్నెట్ లో ఎటువంటి సాహిత్యాన్ని చదువుతున్నారు?

4. తెలుగు సాహిత్య మాసపత్రికలు, బ్లాగులు మీరు చూస్తుంటారా?

5.పై వాటిలో సాహిత్య విలువలున్న పత్రికలూ తెలిస్తే చెప్పండి?

6.మాసపత్రికలలోని శీర్షికలలో మీకు బాగా నచ్చినవి ఏవి?

7. ఉపయోగకరమైన తెలుగు బ్లాగులను మీరు గుర్తించారా?

8. మీకు వెబ్ సైట్ ఉందా?

9. ఇంటర్నెట్లో ఇప్పుడున్న సాహిత్యం మెరుగ్గా ఉందా?లేదా మార్పులు రావాల్సిన అవసరం ఏమైనా ఉందా?

10. వెబ్ లో తెలుగు భాషకి ప్రాధాన్యం ఇస్తున్న సాఫ్ట్ వేర్ కంపెనీల గురించి మీకు తెలిస్తే చెప్పండి?

11. గూగుల్ , యాహూ, ఒపేరా, యాపిల్ కంపెనీ లు తెలుగుకి ప్రాధాన్యత ఇస్తున్నాయా ?

12. తెలుగు బ్రౌజర్లు ఎన్ని ఉన్నాయో మీకు తెలిస్తే చెప్పండి?

13. మీకు తెలిసిన, నచ్చిన తెలుగు వెబ్ సైట్ల గురించి,బ్లాగుల గురించి, ఆర్కుట్ కమ్యూనిటీల గురించి ఇంకా మాస పత్రికల గురించి వివరాలు ఉంటె తెలియచేయండి?

14. మీకు కంప్యూటర్ పరిచయం ఉందా?

15. ఇంటర్నెట్ లో అక్షరాల formats గురించి తెలుసా? తెలిస్తే వివరించండి.

16. unicode font గురించి చెప్పండి?

17. శ్రీలిపి,అను,ఐలీప్ తదితర ఫాంట్సు యూనికోడ్ గా మారే సాఫ్ట్ వేర్ల గురించి మీరేం గుర్తించారు?

18.ఇంటర్నెట్ సాహిత్యానికి ప్రింట్ సాహిత్యానికి మధ్యగల సౌలభ్యాని గురించి మీరేం గుర్తించారు?

19. ఇంటర్నెట్లో తెలుగు సాహిత్యాన్ని తెలుగుభాషలోనే చదువుతారా ?లేదా ఇతరభాషల్లో చదువుతారా?

*. తెలుగును తెలుగు లిపిలో చదవడం

*. తెలుగును ఇంగ్లీషు లిపిలో చదవడం

* తెలుగును ఇంగ్లీషు భాషలో చదవడం.

* తెలుగును ఇతర భాషల్లో చదవడం.

౨౦. తెలుగు సాఫ్ట్ వేర్ మొదట ఎప్పుడు ,ఎవరు కనుగొన్నారు?

21. తెలుగులో మొదటి బ్లాగర్ ఎవరు?

౨౨.తెలుగులో మొట్టమొదటి వెబ్ సాహిత్య పత్రిక ఏది?

౨౩. భవిష్యత్తులో తెలుగు సాహిత్యం ఇంటర్నెట్లో ఎంతగా అభివృద్ధి చెందబోతుంది. ప్రింట్ మీడియాకి,నెట్ సాహిత్యానికి ఎటువంటి పోటీ ఉండబోతుంది.?

౨౪. నెట్ వాడకందార్లు తెలుగుని ఎలా ఎంతవరకు ఉపయోగించుకోగలుగుతారు?

౨౫.స్తీలకోసం , పిల్లల కోసం ప్రత్యేకించిన పత్రికలు , లేదా మరేవైనా కొత్త పత్రికలు మీ దృష్టి కి వస్తే చెప్పండి.

ప్రేమాంతరంగం పేరుతో కొత్త బ్లాగు మొదలుపెట్టాను

2010-07-17T16:58:00.002+05:30

ఈ మధ్య నేను ప్రేమాంతరంగం పేరుతో కొత్త బ్లాగు మొదలుపెట్టాను

ప్రేమాంతరంగం http://premaantarangam.blogspot.com/

సందర్శించండి.

చదవండి

చర్చించండి

బాల్యం జ్ఞాపకాలతో ఓ రోజు

2010-05-28T16:24:00.004+05:30

అనుకోకుండా ఎటువంటి ముందస్తు ప్రణాళికలు లేకుండా మావూరుకు వెళ్ళడం జరిగింది. నిజానికి 16.5.2010 ఆదివారము ఒక వివాహ కార్యక్రమానికి అథిదిగా పిలవబడ్డాను. శనివారము రాత్రి బయలుదేరటం ఆలస్యము, నగర ట్రాఫిక్‌తో గాంధీ బస్సుస్టేషనునుంచి నేను అందుకోవాలనుకున్న బస్సు వెళ్ళిపోయింది.దీకి వెళితే సుమారు 6-7 గంటలమద్య అశ్వారావుపేట చేరుకుంటే అక్కడనుండి ఎవరైనా నన్ను పెళ్ళి జరిగే చోటికి తీసుకొని వెళతారని ప్రణాలిక. బస్సు దాటిపోవడంతో నా ప్రయా అంచలంచలుగా మారింది. ఖమ్మం వరకు ఒక బస్సు, ఖమ్మంనుంచి సత్తుపల్లి వరకు ఒక బస్సు, సత్తుపల్లినుంచి అశ్వారావుపేట వర్కు ఇంకో బస్సు మారి 8.30 గంటలకు చేరాను. అక్కడనుండి మోటరు బైక్‌పై ఓ గ్రామానికి ప్రయాణం. ఓ ఐదు కిలోమీటర్ల వర్కు రోడ్డు బాగానే వున్నా ఆలస్యమయ్యిందని అనుకున్నా.వివాహ కార్యక్రమము త్వరగా ముగించుకొని ఆ సాయత్రం జంగారెడ్డిగూడెంనుండి పోలవరం వెళ్ళాను.

ఉదయమే కెమేరా చేతపట్టుకొని కొన్ని ప్రదేశాలు చూసుకుంటూ పాండురంగడి కొండకు వెళ్ళాను. కొద్ది దూరం ఎక్కేసరికి వయసు సహరించనని మారం చేసింది. అందుకే సగం నుంచే వచ్చేసాను.

నేను బాలయంలో చదివిన మూడు పాఠశాలలను కెమేరాలో బంధిద్దామని చిన్న అలోచన కలిగింది. నేను 3, 5వ తరగతులు చదివిన ఎలిమెంటరీ పాఠశాల పూర్తి రూపాన్ని మార్చుకుంది.

అప్పుడు పెంకులతో వుండేది ఇప్పుడు కొత్త భవనము, కొత్త పథకాల పేరు.

7వ తరగతి చదివిన అప్పర్‌ప్రైమరీ పాఠశాల తన స్థానాన్ని మార్చుకుంది. పాత భవనాల నామరూపలే లెవక్కడ. గోదావరి వరదల్లో కొట్టుకపోయిందో లేక మరేదైనా పరిస్థితులో అక్కడ ఇప్పుడు సగం అరటితోట వెలసింది.

పాఠశాలకు వెళ్ళే మలుపులో ఓ పెద్ద బావి వుండేది. బ్రాహ్మల బావి అనేవారు అక్కడ ఇప్పుడు బావి తాలూకు ఆనవాళ్ళే లేవు.(వూరులోని చాలా బావులు లేవు, బావులగురించి తర్వాత వీలుబట్టి మరో టపా రాస్తాను)

8వ తరగతి చదివిన జూనియర్ కాలేజీ ప్రాంగణానికి వెళ్ళాను. ఆ పాఠశాల 1912లో స్థాపించబడినట్లు గుర్తు.

పాత భవనాలు చాలావరకు లేవు. ప్రస్తుతం శెలవలు కావడంతో అన్నీ తాళాలు దర్శనమిచ్చాయి.

నేను 8వ తరగతి చదివిన భవనం అలానేవుంది. మా తరగతి ఎదురుగావుండే బావి మాత్రం లేదు. ఆబావి దగ్గర ఎన్నో జ్ఞాపకాలు. ఇంటర్వెల్ సమయంలో అమ్మాయిలకు చేదిపోసిన నీళ్ళు, చలోక్తులు జ్ఞాపకాల్లోకి జారిపోయినట్టే బావికూడా ఒక జ్ఞాపకంగా మిగిలింది.

సుమారు ఎనిమిదింటికి ఇంటికి చేరిన, మళ్ళీ ఊరిలోని, గోదావరి తీరంలోని జ్ఞాపకాలను కొన్ని పొటోలు తీద్దామనుకున్నా కాని ఎండవేడిమి ఎక్కువగా వుండటం వల్ల ఎక్కడకీ వెళ్ళలేకపోయాను.

సాయత్రం ఆరుగంటలకు హైదరాబాదుకు ప్రయాణమయ్యాను. నేను ఎక్కిన తర్వాత స్టాపులో ఒక అతను ఎక్కాడు. కొద్ది సేపయ్యాక నన్ను పలకరించాడు. నాపేరు, నావివరాలు అన్నీ చెబుతుంటే కొంచెం ఆశ్చర్యమే అనిపించింది. మెల్లగా చెప్పాడు 8వ తరగతిలో నా క్లాస్ మేట్ అని. నిజానికి నాకు మొదట గ్ర్తురాలేదు. మా తరగతి(1972-73)లోని ఇతర క్లాస్ మేట్స్‌ను గుర్తుకుచేసుకున్నాము. నిజానికి నేను 9వ తరగతినుండి ఆ వూరు వదిలివేయడంతో చాలా మంది గుర్తులేరు. కానీ ఆ సమయంలో సుమారుగా 60 నుంది 80 వరకు మా క్లాస్ మేట్స్, సీనియర్స్‌ను, టిచర్స్‌ను గుర్తుకు చేసుకున్నాము. అదే సంవత్సరంలో జరిగిన జై ఆంధ్ర ఉద్యమం, అది మాజీవితాలపై చేసిన ప్రభావం, ముక్యంగా ఆరోజుల్లో లెక్కల్లో - కాంపోజిట్ లెక్కలు ప్రత్యేకంగా వుండటంతో తొమ్మిదవతరగతిలో పడ్డ పాట్లు గుర్తుకొచ్చాయి.

ఆనాటి నా ఫోటో

నాకు ఈ విషయాలను బ్లాగులో పంచుకోవలని ఎందుకనిపించిందంటే - 36 సంవత్సరాలతర్వాత కలిసిన ఒక బాల్య స్నేహితుడు, ప్రయాణపు తొందరలో కూడా గుర్తుపట్టడం.

జ్ఞాపకాన్ని పదిల పరచిన బాల్యానికి - కోటి దండాలు

మిత్రుడి శేషావతారం కి శతకోటి దండాలు

కవితా వార్షిక 2009

2010-04-09T16:19:00.001+05:30

ప్రతి సంవత్సరంలాగే ఈ సంవత్సరం మార్చి మూడవ ఆదివారం
సృజనంలోకం వరంగల్లు వారి కవితా వార్షిక 2009, ఆవిష్కరింపబడింది.

ప్రతి సంవత్సరం లాగే ఈ సంవత్సరం మార్చి మూడవ ఆదివారం
సృజనంలోకం వారి కవితా వార్షిక 2009, ఆవిష్కరింపబడింది.

మహిళా దినోత్సవ సందర్భంగా- కొన్ని జ్ఞాపకాలు

2010-03-08T20:53:00.004+05:30

ఈరోజు చాలా విషయాలతో టపా రాయాలని వుదయమే అనిపించింది. కొన్ని ఆలోచనలు మనసున తొలిచాయికూడా. ఆఫీసుకు వెళుతూ కొన్ని మననం చేసుకున్నాను. ఆఫీసులో అడుగు పెట్టాక దాని సంగతే మరిచిపోయా. ఇదిగో ఇప్పుడు(సాయత్రం 7.50గంటలకు) మళ్ళీ గుర్తుకువచ్చింది.

మననం చేసుకున్న విషయాలు ఒక్కటికూడా గుర్తు రావటంలేదు.

అయినా చిన్న ప్రయత్నం

-- 0 --

అమ్మనుగురించిన జ్ఞాపకాలు వెంటాడుతూనే వుంటాయి.

క్రైస్తవనమ్మకం ప్రకారం బంగారువీధులున్న పట్టణానికి అమ్మను కలవటానికి నేనూ ఓ రోజు వెళతాను.

తను మోకరించిన వేకువ జాములు, తొలివెలుగుల పక్షుల కిలకిల రావాలతో గొంతుకలిపి ఆలపించిన స్తుతిగీతాలు ఇంకా చెవుల్లో మారుమ్రోగుతూనే వున్నాయి.

నిద్రలో మరో కల

అడుగులు నేర్వని
బుడుగు పాదాలను కడిగిన వేళ
జారుడు వూగిసలాటలో
మెరిసిన బిందువుగా
ముద్దుల వర్షంలో ఆవిరయ్యాయి
పదంనేర్చి పథం ప్రాకులాటలో
పొరలమాటున దాగిన
ఈ వన్నె దేహాన్నంటి
జారుతున్న బిందువులపై
ప్రసరించి మెరిసిన కిరణపు వెలుగు
తళుకు కాంతులైనప్పుడు
నీ ఆశల కిరణాలుగా చుటుముట్టాయి
నాకోసం పరిశమించిన పాదాలను ముద్దాడలనివుంది
నేనందుకోలేని దూరంలో నీ పాదాలు
ని రెప్పలు నిద్రలో మరోకల కంటున్నాయి
నా కోసం

--0--

ఊహ తెలిసినప్పుడు నాతో నడిచి, నాకు ఎన్నో నేర్పించి దిశా నిర్దేసాల ఆలోచనా గమనం.

తను డాక్టరైతే నేను కాంపౌడర్ని, తను ఓ కొట్టుపెడితే నేను సామను అందిచే కూలివాణ్ణి ఇలా ఎన్నో ఆటలలో, వయసులో తనే నాముందున్నా భోజనం దగ్గర మాత్రం నేదే ముందు.

యువతగా వున్నప్పుడు తను చదివిన పుస్తకాలను నాకు చెబుతున్నప్పుడు నాకు తలనొప్పి తెస్తుందనుకున్నా, ఇప్పుడిప్పుడే సాహిత్యాన్ని అద్యయనం చేస్తున్నప్పుడు ఆమే నా ఎదురుగా ఎవో వివరిస్తున్నట్లే అనిపిస్తుంది అమె నా అక్క. నా ఆలోచనా ధారకు అంబులపొది.

జ్ఞాపకాల వాకిటముందు ప్రణమిల్లుతున్నాను

--0--

ఈ సందర్భంగా నా ప్రక్కటెముకగా అతుక్కుపోవడానికి నాతో నడచివచ్చిన , నా సహచరికి (పాతవే అయినా) ఈ నాలుగుమాటలు

ఆమె నేను - రెండు దృశ్యాలు

దృశ్యం-1

మొదటిసారి
ఆమెను కలసినప్పుడు
నీటి చెలమనుకున్నాను
సంవత్సరాలుగా
తోడిన నీటిలో
మునిగిన చెరువయ్యాను.

దృశ్యం-2

ఓ సాయంకాలం
గోదారి ఇసుకతెన్నెలపై
ఆమెను కలిసాను
పరిచయాలు స్నేహం ఇష్టం
ప్రేమగా మారాయి

సంవత్సరాల తర్వాత
అదే గోదారి
అదే ఇసుక
నడుస్తూ గడిచిపోయిన గతంలో
ఆమె నదిగా మారిపోయింది

నేనే చెలమగా చూస్తుండిపోయా!

అందుకే ప్రేమిస్తున్నానని కాకుండా ఇంకా ప్రేమిస్తున్నానని చెబుతున్నా.

-- 0--

వసంతగానం ఎప్పుడూ మదురంగానే వుంటుంది.

నన్ను కన్న అమ్మను ఎన్ని సార్లు అమ్మా అని పిలిచానో గుర్తులేదుకాని, నాచిన్ని తల్లులు ఎదపై ఆడుకున్న బుల్లి పాదాల ముద్రలు నన్ను నిత్యం పరవసింప చేస్తూనేవుంటాయి.
అమ్మా అనిపిలవటం కన్నా ఏమి చెయ్యగలను.

--0--

మొన్నీ మద్యే ఎదో సందర్భంలో మహిళ పదానికి నిగంటువు వెదికాను. భూమినుంచి వచ్చినది అనే స్పురణ కలిగింది. ఆ ఓర్పు, సహనం, ప్రేమ, కరుణ, ధీరత కలిగిన మహిళలందరికి శుభాకాంక్షలు.

--0--

జ్ఞాపకాలు ఎప్పుడు వెంటాడుతాయి? జరిగిపోయినది ఎదో కళ్ళెదుటలేనప్పుడే కదా! బహుశ మీరు భౌతికంగా ఇక్కడలేని అమ్మను మాట్లాడుతున్నారా??

బంగారు వీధులున్న పట్టణానికి వెళ్ళిన అమ్మ దగ్గరకు నేనూ వెళతాను చెప్పటానికి మీరు చేసింది సాహమే అనిపిస్తుంది నాకు.
మీకు జ్ఞాపకమొస్తున్న శబ్దరాగాలు కొంచెం హృదయపు చెవినిపెడితే మాకూ లీలగా వినబడుతున్నాయి.
అవును నిజమే!
అమ్మ ఎప్పుడూ మనకోసమే కలకంటూ వుంటుంది
అది బాల్యంలో లాలపోసి తడిసిన దేహాన్ని ముద్దులతో ఆవిరిచెయ్యాడం వెనుక
ఆమెలోదాగిన ప్రేమ ఎంతఘాడంగా వుంటుందో కదా!
శ్రమకు కారే బిందువుల్లోంచి సాధిస్తున్నవి విజయాలైనా అమ్మకు వెలుగుచిమ్మే నవ్వులకన్నా సహచర్యమెంతో గొప్పగా పలవరిస్తుంది.
అన్నిటిని గుర్తించిన అక్షరాలు అభినందనీయమైనవి. స్నేహితులుగా, బాల్యమిత్రులుగా అక్కా తమ్ముళ్ళు, అనా చెల్లెళ్ళుగా వుండటం ఒక మధురమైన అనుభూతే అయినా దాన్ని గుర్తుంచుకోవడం, నిలుపుకోవడం నిజంగా ప్రశంసనీయం.
----

"ఈ సందర్భంగా నా ప్రక్కటెముకగా అతుక్కుపోవడానికి నాతో నడచివచ్చిన , నా సహచరికి" ఈ వాక్యాలను చదువుతున్నప్పుడు ఎన్నిసార్లు చదివినా ఎదో తెలియని కొత్తదనం కనిపిస్తుంది. ఏమిటా కొత్తదనం అనేది అర్థం కావటంలేదు.
ఇక రెందుదృశ్యాలను చూస్తూ చదువుతున్నప్పుడు ఎప్పుడో చూసిన క్లియోపాత్రా సినిమా గుర్తుకొచ్చింది. అందులో ఎవ్వరికి తలవంచని సీజర్ (రోమా చక్రవర్తి) ఐ బవ్ అని మోకాళ్ళపై అమె ముందు నిలబడతాడు.
అలా మీరు కనిపిస్తున్నారు.
--- పిల్లలను అమ్మా అని పిలిచి అమ్మను గౌరవిస్తున్నారో
అమ్మను గుర్తు చేసుకుంటూ పిల్లలను ప్రేమిస్తున్నారో
ఇద్దరూ జెండరు ప్రకారం స్త్రీలే కావటం కాకతాళీయమా! ??

నాకూ ఎవేవో రాయల్నిపిస్తునాదండోయ్ మీ టపా చదివాక

అభినందనలు
అపూర్వ

ఎడతెగని ప్రయాణం - ఆవిష్కరణ కొన్ని ఫొటోలు

2010-03-03T14:26:00.001+05:30

కృతికర్త - ఉత్తమ కుమార్, శిఖామణి, ఆవిష్కర్త - వరవరరావు
అద్యక్షులు - కె. శివారెడ్డి, చినవీరభద్రుడు

ఎడతెగని ప్రయాణాన్ని మనముందుంచి అనేకమందిని ఒకచోట కలిపి ముచ్చటించుకోనే అవకాశాన్ని కలుగ చేసారు యాకూబ్
వరవరరావు ఆవిష్కర్త గా, కె. సివారెడ్డి అధ్యకతన చినవీరభద్రుడు, శిఖామణి, దర్భశయనం శ్రీనివాస్ మంచి విశ్లేషణను ఇచ్చారు. గోరేటి వెంకన్న యాకూబ్‌తొ తనకున్న అనుబందాన్ని గుర్తు ఛేస్తూ కన్నీటి గీతాన్ని ఆలాపింఛారు.
వీటన్నిమధ్య సుజాత పట్వారి, రేణుకా అయోలా, జాన్ హైడ్ కనుమూరి, రమణలు తమ కవిత్వాన్ని వినిపించడం విశేషం.
యాకూబ్ తన స్పందనతెల్పుతూ శ్రీ శ్రీ జగన్నాధ రధ చక్రలను వినిపించడం అభుతమైన అనుభూతి.

ఈ కార్యక్రమంలో నేనూ కవిత చదివే అవకాశాన్నిచ్చిన యాకూబ్ అన్నకు కృతజ్ఞతలు బ్లాగ్ముఖంగ తెలియ చేస్తున్నాను.
వక్త వాడ్రేవు చిన వీరభద్రుడు

darbhasanam

కవిత్వం చదువుతూ జాన్ హైడ్ కనుమూరి
. కవిత్వం చదువుతూ రేణుకా అయోలా
కవిత్వం చదువుతూ సుజాతా పట్వారి

ఎడతెగనిప్రయాణం - పుస్తకావిష్కరణ

2010-02-26T14:21:00.001+05:30

యాకూబ్ మూడవ కవితా సంపుటి

పుస్తకావిష్కరణ -

శ్రీ వరవర రావు

- అధ్యక్షులు - శ్రీ కె. శివారెడ్డి

వక్తలు -

శ్రీ వాడ్రేవు చిన వీరభద్రుడు

గోరేటి వెంకన్న

శ్రీ శిఖామణి

శ్రీ దర్భశయనం శ్రీనివాస

కృతి స్వీకర్త

కొండపల్లి ఉత్తమ కుమార్

అడ్వకేటు, ఖమ్మం

మార్చి 2 మంగళవారము 2010 సాంకాలము 6 గంటలనుండి
సుందరయ్య విజ్ఞానభవన్, బాగ్‌లింగంపల్లిలో జరుగును

కార్యక్రమ నిర్వహణ

లిటరరీ ఫోరం

కవితలపోటీలు - ఆంధ్ర ప్రభ

2010-02-15T16:30:00.001+05:30

సూర్య గ్రహణం 15.1.2010

2010-01-16T12:00:00.000+05:30

ఉదయం 11 గంటలనుండి మద్యాహ్నం 3 గంటలవరకు
మెదక్ జిల్లా, పటాంచెరుకు 5 కిలోమీటర్ల దూరంలో వున్న నందిగామ గ్రామం

ఈ ఫొటోలు తీయడంలో సహరించిన శ్రీనివాస్ ఆచంట గారికి, శ్రీనివాస్ భీమా గారికి కృతజ్ఞలతో

జాన్ హైడ్ కనుమూరి

రాధిక ఊరునుంచి మా ఊరికి ప్రయాణం

2010-01-13T09:50:00.002+05:30

ఊరు ఒక కమ్మని జ్ఞాపకం. ఆజ్ఞాపకాన్ని నెమరువేస్తున్నప్పుడు కలిగే భావలపరంపర ఎవరి అనుభవాలకు అణుగుణంగా వుంటాయి. నా బాల్యంలో వూరును జ్ఞాపకానికి తెచ్చుకొన్నప్పుడు గోదావరి రేవులు, చింతతోపులు, సీమసింతకాయలు, కుంకుడుచెట్టుపై దెయ్యాలుంటాయనే పుకార్లు, అప్పుడప్పుడూ నేనున్నానని పలుకరించే కాలువ, వీదులలో వీరన్న వెలిగించిన కిరసనాయిలు దీపం, వెన్నెల్లో ఆడే అనేక రకాల ఆటలు, వరికోతలకు వలసవచ్చే కూలీలు, వారి వెంట వచ్చే జానపద ప్రదర్శనాకారులు, రాత్రంతా సాగిన పద్యాలు, పాటలు, నృత్యాలు. సుబ్రహ్మణ్య సశ్టి వుత్సవాలు, హనుమ జయంతి వుత్సవాలు, శరన్నవరాత్రి వుత్సవాలు.
సంవత్సారనికోసారి జరిగే కోడి పందాలకు మేపుతున్న కోడిపుంజులు.
ఉదయ సాయంత్రాలలొ దేవాలయాలనుంచి వినిపించే నాద స్వరం.
క్రీస్తు నేడు పుట్టెను హల్లెలూయ అంటూ రాత్రి వేళలలో, క్రీస్తునేడు లేచెను అంటూ ఉషోదయంలో కొవ్వొత్తులవెలుగులతో వీదులలో పాడిన పాటలు
ఇప్పటికీ నన్ను వెంటాడుతూనే వున్నాయి.

అందుకే ఈ కవిత చదిన తర్వాత నన్ను వెంటాడుతూనే వుంది. అందుకే ఈ నాలుగు మాటలు.

నా ఊరు
నేనెళ్ళిపోయానన్న బాధేమో
ఊరి మధ్య రావిచెట్టు
ఆకురాల్చేసింది
తన అవసరం లేదనుకుందేమో
రచ్చబండ బీటలేసింది
గుడి మెట్టు,చెరువు గట్టు
నాకోసమే ఎదురుచూస్తున్నట్టున్నాయి
జామచెట్టుకేసిన ఊయల
కిర్రు చప్పుళ్ళ ఊసేలేదు
ఇక రాననుకున్నారో ఏమో
అయినవాళ్ళు కొందరు
చెప్పకుండానే దాటిపోయారు
ఇపుడా ఊరు
నా చరిత్రకి
శిధిల సాక్ష్యంగా మాత్రమే మిగిలింది
తిరిగి వెళ్ళకపోయినా బాగుండును
జ్ఞాపకాల్లో అయినా సజీవంగా వుండేది నా ఊరు
--0--
ఈ కవిత చదివాక నన్ను వెంటాడం మొదలు పెట్టింది. బహుశ నా బాల్యానికి ఊరుతో అనుబంధం వుండటం, నేను కవిత్వం రాయటం మొదలు పెట్టినప్పుడు "మా వూరు" అని కవిత రాయటం కారణం కావచ్చు.
ఊరు ఒక అనుబంధం, ఊరు ఒక జీవితం, ఊరు ఒక జీవనం, ఊరు ఒక సంస్కృతి.
సమయ సమయాలలో కవులు, రచయతలు, రచయిత్రులు "ఊరు"ను అక్షరాలలొ చిత్రించారు. ఊరితో తమకున్న అనుబంధాన్ని సాహిత్యానికి ముడివేసారు.
వారినందరిని గుర్తుచేయడం నా ఉద్దేశం కాదు కానీ, అలాంటి కోవలోకి చేర్చదగ్గ ఒక కవిత అని చెప్పడం అతిసయోక్తి కాదు.
ఊహ తెలిసినప్పటినుంచి జీవన పరిణామాల్లో మార్పుతో ఊరును వదిలి పట్టణానికో, ప్రవాసానికో వలస వెళ్ళినప్పటి వరకూ ఏర్పడిన అనుబంధం, కొంతకాలం గడిచితర్వాత తిరిగి ఊరిలో అడుగుపెట్టినప్పుడు మనసులో ముసిరిన ఆలోచనలు, రేకెత్తిన అనుబందపు దారాలు, ఒక్కుమ్మడిగా చుట్టు ముట్టినప్పుడు పడిన ఓ సంక్లిష్ట సమయానుభూతి ఈ కవిత.
కవితలో చిన్ని చిన్ని పదాలు, చిన్నిచిన్ని ప్రతీకలు. ఆ ప్రతీకలను తన జీవనశైలితొనో, సాంస్కృతిక నేపథ్యంతోనో కలిగివున్న జీవన వైచిత్రిని గుర్తుచేస్తుంటాయి. ఆ అనుబందాన్ని కలిగిన వారికి జ్ఞాపకాలు కళ్ళముందు కదలాడుతున్నట్టే వుంటాయి.

కవిత ఎత్తుగడలో
"నేనెళ్ళిపోయానన్న బాధేమో
ఊరి మధ్య రావిచెట్టు
ఆకురాల్చేసింది"
సహజంగా ఆకు తన దశలు మార్చుకొని పండిన తర్వాత రాలిపోతుంది. అయితే ఇక్కడ రావిచెట్టు తను వెళ్ళిందనే బాధతో ఆకురాల్చేసింది. పచ్చని ఆకు రాలటం జీవప్రమాణానికి వ్యతిరేకం. అది తన అనుబందాన్నో, స్నేహాన్నో పోగొట్టుకొన్న లేదా విడిపోయిన బాంధవ్యం తాలూకూ బాధ పచ్చదనాన్ని హరింపచేస్తుందనే ధ్వని గాఢతను కలుగజేస్తుంది.

"శిథిల సాక్షం" వెనుక తనకున్న జ్ఞాపకాలు, అనుబంధాలు, తనకోసం ఎదురుచూపు, తనకు తెలియకుండానే కనుమరుగైన ఆత్మీయతలను గురించిన సమాచారం ఏమీ తన దగ్గర దాచుకొలేని, మిగిల్చుకోలేని తనాన్ని అనిచెప్పడం బాగుంది. బహుశ ఇది రాధిక కవిత్వ పరణతికి నిదర్శనం అనొచ్చు.

ముగిస్తూ ముగిస్తూ తిరిగి వెళ్ళలేకపోతేనే తన వూరు జ్ఞాపకాలలో పదిలంగా, సజీవంగా ఉండేదనటంలో తను పొందిన అంతఃర్మధనం కనపడుతుంది.

"ఇది నా సొంతవూరు" అని చెప్పుకొలేనివారు, సొంతవూరికి తిరిగి వెళ్ళలేనివారూ వలసలుపోతున్న జీవితాలు పడే బాధ అంతఃర్గతంగా కనిపిస్తుంది.

ఊరికి ఏది సొంతం, ఏది శాశ్వతం అనే ప్రశ్న వుదయిస్తుంది.

యాదృశ్చికంగాను, తన అనుభూతిపరంగానో రాసినవి ప్రతీకలుగా బలాన్ని సంతరించుకున్నాయి.

ఊరి మద్య రావి చెట్టు, రచ్చబండ, గుడిమెట్టు, చెరువుగట్టు, జామచెట్టుకు కట్టిన ఊయల, కాలం తీరి వెళ్లిపోయిన వారు, చరిత్ర ... ఇలా వాడిన పదాలు కేవలం తన మనసులోని అవేదనానుభూతి చెప్పడానికే అయినా వాటి తాలుకు జ్ఞాపకాలు, గుర్తులు, అనుబందాలు ఊరితో అనుబంధంవున్న ప్రతివొక్కరికి కలిగివుంటాయి. అవి పాఠకులను తమజ్ఞాపకాల అంతఃపొరలలోకి లాక్కుపోతాయి.

"చెట్టు జ్ఞానానికి ప్రతీక" అని ఓ ప్రసిద్ద కవి శ్రీ ఇస్మాయిల్ అంటాడు. రావిచెట్టు చాలాకాలం జీవించడం అనేది దాని జీవలక్షణం. జీవించివున్నప్పుడు ఆకులతో పచ్చగావుండాలి కదా! అప్పుడే నలుగురికి నీడని ఇవ్వగలుగుతుంది, పక్షులకు ఆవాసమౌతుంది. అలాంటి జీవ లక్షణాలు కోల్పోతున్న సందర్భాన్ని గుర్తు చేస్తుంది.

రచ్చబండ : నలుగురు ఒక్కచోటచేరి కష్టసుఖాలను, వివాదాలను కలబోసుకున్న ఓ చెట్టునీడ.
రచ్చబండ పెత్తందారీ తనానికి ప్రతీక. రచ్చబండ దగ్గర జరిగే చర్యలు, నిర్ణయాలు ఎక్కువగా అణిచివేతలే, అధికార దురంహంకారమే.
(రచ్చబండను గురించిన చర్చవైపు వెళ్ళడం నావుద్దేశం కాదు) ఈ కోణంలో చూసినప్పుడు ఆ వ్యవస్థీకృతమైన పెత్తందారీ పద్దతి కి బీటలు వారటం శుభసంకేతమే.
గుడి మెట్లపై కొద్దిసేపు కూర్చోవడంలో అవ్యక్తానుభూతమైన భక్తి ప్రవృత్తి కనిపిస్తుంది.
"పల్లె కన్నీరు పెడుతుందో"అవి గోరిటి వెంకన్న రాసిన పాట ఊరిలో తరిగిపోతున్న వాటి వైనాలిని గుర్తుచేస్తాయి.
ఇక బాల్యం దాని గుర్తులు ఎవరికి వరికే వూరుతో ముడివేసుకునే అనుబంధం.
వీటన్నిటిని కలగలిపి ఒక్కచోట చేర్చి స్మృతి పథంలో మెదలడానికి తన ప్రమేయం లేకుండనే జరిగిన ప్రక్రియ ఈ కవిత అక్షర రూపం.
ఈ సందర్భంలో నేను గతంలో రాసిన "మావూరు"ను ఇక్కడ వుంచుతున్నాను

మా వూరు
ఒకప్పటి మా వూరు
గలగల పారే సెలయేరు
కనుచూపుమేర పచ్చనైన పైరు
గోధూళి వేళ సందడిచేసే కుర్రకారు
కల్మషంలేని మనుషులతీరు
రామాలయంలో రాగాలజోరు
గుంపులుగా సాగే కొంగలబారు
గిత్తలమెడలో గంటలహోరు
లేదూడల గంతుల హుషారు
జాతి కోడిపుంజుల పోరు
వర్తకానికి వారం వారం బజారు
వాకిట్లో రంగవల్లిలల్లినతీరు
పెరట్లో ముద్దబంతి విరిసిన తీరు

నేడు...
తలచినంతనే మావూరు
మదిలో తెలియని బేజారు
ఎక్కడికక్కడ ఓ మాయా బజారు
...........

చివరిగా :
రాధిక కవిత్వం ఇప్పటివరకూ ఏదోరకమైన ప్రేమ భావనలు, అనుభూతి, ఆహ్లాదం కంపిస్తుండేవి
వాటినన్నిటిని ఊరు ఒక దిశనుంచి మరో దిశవైపు మార్చివేసాయి.
ఇలాంటివి మరిన్ని రాయాలని మనసారా కోరుకుంటున్నను.

అభినందనలతో
జాన్ హైడ్ కనుమూరి

jvalita kavitvaM - sudIrgha hatya

2010-01-02T17:08:00.003+05:30

పుస్తకావిష్కరణ

2009-12-28T17:33:00.000+05:30

డా.సి.నా.రె, జ్వలిత, శరత్ జోస్తనా, జూపాక సుభద్ర, శిలాలోలిత,గోగుస్యామల
సెంట్రల్ లబ్రరీలో 26.12.2009 సాయంకాలం
పుస్తకావిష్కరణ జరిగింది.
శరత్ జోత్స్న అద్యక్షతన, నాళేశ్వరం శంకరం విశ్లేషించారు
జూపాక సుభద్ర, గోగుశ్యామల, శిలాలోలిత, జాన్ హైడ్ కనుమూరి, దెంచనాల శ్రీనివాస్
పుస్తకంలోని కొన్ని పాదాలను వుదహరిస్తూ మాట్లాడారు.
ప్రత్యేక అథిదిగా విచ్చేసిన కత్తి పద్మారావు మాటలు ప్రత్యేక ఆకర్షణగా నిలిచాయి

సుదీర్ఘ హత్య - కవిత్వ పుస్తకావిష్కరణ

2009-12-28T17:04:00.001+05:30

డా.సి.నా.రె, జ్వలిత, శరత్ జోస్తనా, జూపాక సుభద్ర, శిలాలోలిత,గోగుస్యామల

సెంట్రల్ లబ్రరీలో 26.12.2009 సాయంకాలం

పుస్తకావిష్కరణ జరిగింది.

శరత్ జోత్స్న అద్యక్షతన, నాళేశ్వరం శంకరం విశ్లేషించారు

జూపాక సుభద్ర, గోగుశ్యామల, శిలాలోలిత, జాన్ హైడ్ కనుమూరి, దెంచనాల శ్రీనివాస్

పుస్తకంలోని కొన్ని పాదాలను వుదహరిస్తూ మాట్లాడారు.

ప్రత్యేక అథిదిగా విచ్చేసిన కత్తి పద్మారావు మాటలు ప్రత్యేక ఆకర్షణగా నిలిచాయి

క్రిస్మస్ శుభాకాంక్షలు

2009-12-23T15:26:00.004+05:30

క్రిస్మస్ గురించి చాలా రాద్దామని చాలారోజులముందే ప్రయత్నాన్ని ప్రారంభించాను. తీరా ఈ రోజు 23వ తారీఖు. ఇక రాయడం కుదరుదుకాని అందరికీ క్రిస్మస్ శుభాకాంక్షలు తెలుపగలను.
మళ్ళీ అంతర్జాలానికి ఎప్పుడు వస్తానో కూడా తెలియదు.

క్రీస్తు జయంతి
విశ్వమానవాళికీ
శాంతి, సౌభాగ్యాల నెలవు కావాలని
ఓ క్రొత్త తార వెలుగు
ఓ క్రొత్త దూతల పిలుపు
హృదయాలలో
గృహాలాలో వెలుగొందాలని

క్రిస్మస్ శుభాకాంక్షలు

బాల్యం

2009-12-22T17:13:00.004+05:30

కొంచెం చిలిపిగా
కొంచెం ఆశక్తిగా
కొంచెం ఆకతాయిగా
కొంచెం ఆశ్చర్యంగా
కొంచెం అమాయకంగా
వెరసి బాల్యంగా

బాల్యం

2009-12-17T18:01:00.000+05:30

బాల్యం ఎవరికైనా బల్యమే!

ఇలానే వుండకపోవచ్చు

పసిదేహపు సౌందర్యం

ఎప్పటికీ అలానే వుండిపోతే ?

అమ్మ... నాన్న...

మామ్మ... తాత...

అలా... అలా....

సాహిత్య సమాచారం - పోటీలు

2009-12-08T15:37:00.004+05:30

andra prabha 7.12.2009
--00--

andhrajyothi 7.12.2009

---00---

ఎవరైనా నా గీతలు చదివి ఏమైనా చెబుతారా???

2009-12-04T19:45:00.004+05:30

నేను హస్తసాముద్రకాన్ని పెద్దగా నమ్ముతాను అని చెప్పలేను గాని
ఈ రోజు స్కానరును టెస్టు చేస్తున్నప్పుడు నా చెయ్యి స్కాన్ అయ్యింది.
అప్పుడే సరదాగా బ్లాగులో పెడదామనిపించింది.

ఎవరైనా నా గీతలు చదివి ఏమైనా చెబుతారా???

ఇక్కడ చెప్పకూడదనుకుంటే వేగు పంపండి!

నెల నెలా వెన్నెల - నవంబరు ౨౦౦౯ సమావేశము

2009-11-18T10:15:00.003+05:30

my mobile

9912159531

ఎక్స్‌రే జాతీయస్థాయి కవితల పోటీలు

2009-11-13T17:40:00.002+05:30

ఎక్స్‌రే జాతీయ స్థాయి కవితల పోటీలు
ప్రతియేడులాగే ఎక్స్‌రే జాతీయస్థాయి కవితల పోటీలు నిర్వహిస్తోది
చివరితేది నవంబరు 30,2009
పూర్తి వివరాలకు : 9848121763 సప్రదించవచ్చు.

------

నేటి రచయితలకు సాహిత్యనుభవంలేదు - వివిధ - ఆంద్ర జ్యోతి

2009-11-06T13:18:00.010+05:30

భలే మంచిరోజు - జీవితాన్ని మలుపుతిప్పిన క్షణాలు

2009-10-23T10:50:00.004+05:30

చాలా సంవత్సరాలు ఈ రోజును ప్రత్యేకంగా గుర్తుంచుకోలేదు. ఈ సారి ఎందుకో గుర్తుంచుకొనే వెసులుబాటు చిక్కింది. యదా విదిగా ఉదయమే లేచి ప్రత్యేక అభినందనలు నా ప్రక్కటెముకకు చెప్పి, కొద్ది సమయాన్ని ప్రర్థనలో గడిపిన తర్వాత ఫొటోలు గుర్తుకొచ్చాయి. బీరువా అంతా క్రిందా మీదా చేసిన నాకు ఇవిగో ఈ రెండూ దొరికాయి.
ఈ ఫొటోలకోసం నేనూ నా ప్రక్కటెముక నిలబడటానికి చాలా తర్జన బర్జనలు, వాదాలు వివాదాలు జరిగాయి.
చివరికి ఒక రిజిష్ట్రారును ఇంటికి పిలిపించి వివాహ కార్యక్రమం జరిగింది.
చాలా సన్నిహితులైన మిత్రుడు విద్యాసాగర్ సహకారకుడిగా వున్నాడు. అత్యంత మిత్రుడైన ఫొటోగ్రాఫర్ వర్మ ఆ సమయానికి వచ్చి నాలుగు ఫొటోలు క్లిక్‌చేసి వెళ్ళిపోయాడు. వాటిలో ఇవి మిగిలాయి.
చాలా విషయాలు రాయాలని వున్నా ఇప్పటికి రాయలేకపోతున్నా.

My uncle Late Shri M. sundara rao

Marraige Registrar
23.10.1986
at my residence 8th Raod, Shanthi Nagar, Eluru, West Godavari Dist. A.P.

ఈ మాటలో నా కవిత - జమ్మి బంగారం చెట్టు

2009-09-12T10:38:00.003+05:30

మిత్రులకు, నా బ్లాగు పాటకులకు
నన్ను ప్రోత్సాహించిన వారికి
నమస్సులు
ఈ మద్యకాలంలో సాహిత్యానికి, అంతర్జాలానికి కొద్దిగా దూరంగా వుండవసి వచ్చింది.
దాని పరిస్థితులనుండి బయటపడుతున్న నేపథ్యంలో

ఈ మాటలో నా కవిత వచ్చింది

చదివి, మీ అభిప్రాయాలను రాయండి, కొత్త ఉత్సాహాన్నివ్వండి

అంబులపొదిలో అస్త్రాలేవీ
అక్కరకురానట్టే
సమస్యలు బాణాలై సంధిస్తాయి

http://www.eemaata.com/em/issues/200909/1477.html

మీ

జాన్ హైడ్ కనుమూరి

నెల నెలా వెన్నెల సమావేశము - ఆగష్టు ౩౦, ౨౦౦౯

2009-08-31T18:03:00.001+05:30

జీవితము దాని పరిణామాలు, బాద్యతలు, సమయాలు రకరకాల వత్తిడులమద్య సాహిత్య సమయం గడపటం కొంచెం కష్టమైపోతుంది.

గత ముప్పై యేళ్ళుగా ఎందరికో స్పూర్తినిచ్చి ముందుకు నడిపించిన శ్రీ సి.వి. కృష్ణారావు గారు వయస్సు మీదపడుతున్నా, అనారోగ్యం వెంటాడుతున్నా నెల నెలా వెన్నెల ను ప్రారంభించినప్పటి ఉత్సాహాన్ని కనపరస్తూ నడిపిస్తున్నారు.
ఈ నెల సమావేశానికి వచ్చిన వారు
ధర్మాచారి
కె.వి. రామానాయుడు
యాకూబ్
రఘు (ఖమ్మం)
జాన్ హైడ్ కనుమూరి

రఘు - ఖమ్మం వాస్తవ్యులు, ఇటీవల హైదరాబాదు మారటంతో నెలనెలా వెన్నెలకు మొదటిసారిగా వచ్చారు.
ఈ నాటి సమయాన్ని ఆయన కవిత్వంతో నింపారు

ధర్మాచారి - తనదైన శైలిలో గల్పికలు చదివి వినిపించారు
కె.వి. రామానాయుడు - తన కొన్ని పాత కొత్త కవితలను వినిపించారు
నేను - సమావేసమును గురించి రాసిన బ్లాగుకు స్పందించిన శ్రీ అఫ్సర్ పంపిన కవితను, ఈ మద్య నాకు నచ్చిన రాధిక రాసినా ఊరు కవితను, ఈ మద్య నేను రాసిన ఆమె - నేను- రెండు దృస్యాలు చదివి వినిపించాను.

కొన్ని ప్రక్రియలపైన, సాహిత్యంపైన తగ్గుతున్న ఆశక్తి గురించి మాట్లాడుకుని
గురువుగారిచ్చిన చల్లని పానీయాన్ని త్రాగి సెలవు తీసుకున్నాము

నెల నెలా వెన్నెల - ఆగష్టు ౨౦౦౯

2009-08-28T15:09:00.002+05:30

శ్రీ సి.వి. కృష్ణారావు గారి నిర్వహణలో
నెల నెలా వెన్నెల
ఈ నెల ఆగష్టు 30, ఆదివారము
సమయము : సాయంకాలము 5.30 గంటలనుండి
స్థలము : శ్రీ సి. వి. కృష్ణారావు
103, బాబూ టవర్స్, క్రైస్థవ ప్రార్థనా మందిరము ఎదురుగా,
మారుతీనగర్ క్రాస్ రోడ్స్,
చైతన్యపురి, హైదరాబాదు-500 060.
ఫోను : 24044262

అందరి స్వీయ కవితా పఠనము.

అందరూ ఆహ్వానితులే
----------
9912159531

నా జీవితంలో శ్రీ శ్రీ

2009-06-18T21:46:00.000+05:30

నా జీవితంలో శ్రీ శ్రీ

ఈ మద్య శ్రీ శ్రి గురించి చదుతున్నప్పుడు నాకు ఆయనతో ఎటువంటి అనుబందం లేకపోయిందే అనిపించింది.
నా యవ్వనంలో సాహిత్యం పెద్దగా చదివిన గుర్తులేదు. అందులోనూ శ్రీ శ్రీని అసలు చదలేదు.
ఓ సాయత్రం ఆఫీసు అయిపోయి ఇంటికి వెళుతున్నప్పుడు బస్సులో మగత మగతగా కొన్ని జ్ఞాపకాలు వెంటాడాయి.ముఖ్యంగా రెండు సందర్బాలు.

1. నా 24వ ఏట పెళ్ళి సంబందాలు రావటం మొదలయ్యాయి. అప్పటికి నాకంటే పెద్దదైన అక్కకు నాకు కలిపి కుండమార్పిడి సంబందం ఒకటి. మా ఇంటిలోని వారికి చాలా వరకు నచ్చింది. కాని నేను 28 సంవస్తరాలు వచ్చేవరకు చేసుకోనని నిర్దందంగా చెప్పేసాను. అప్పటికి నేను మద్యప్రదేశ్ లోని జబల్‌పూర్ వద్ద ఓ కంపెనిలో పనిచేస్తున్నాను. అక్కడనుంచి ఒక సంవత్సరంపాటు ఇంటికి రాలేదు. అక్క పెళ్ళికోసం వచ్చినప్పుడు నా మీద ముగ్గురు మరదళ్ళ చూపు పడింది. ముగ్గురుతో కొద్దిగా చనువు ఏర్పడింది. అది ప్రెమని నేను అనుకోను కాని మా మద్య పలకరింపుల లేఖలు నడిచాయి ఒక సంవత్సరం గడిచిన తర్వాత ముగ్గిరిలో ఎవరినైనా ఎన్నుకోవాలా లేక బయటకు వెళ్ళాలా అనే సందేహం కలిగింది. ఒకరు రూపంలో బాగుండేది, ఇంకొకరు చదువులో ముందుండేది, ఇక మోడో ఆమెకు రెండిటిలోనో సాధరణమే అయినా, పొలము పుట్ర సంక్రమించేవిగా వుంది. ఇలాంటి సమయంలో శ్రీ శ్రీ నాకు తెలియకుండా నా జీవితంలోకి ప్రవేశించాడు.
అది ఎలా అంటారా?
"నిన్ను నిన్నుగా ప్రెమించుటకు
నీ కోసమే కన్నీరు నింపుటకు నేనున్నానని నిండుగ పలికే తోడొకరుండిన అదే బాగ్యమో! అదే స్వర్గమో!" ముగ్గురిలో ఒకరు నా ప్రక్కటెముకగా మారింది.
ఆ భాగ్యాన్ని, ఆ స్వర్గాన్ని సొంతంచేసుకున్నాక చాలా కాలం నన్ను ప్రభావితం చేసింది శ్రీ శ్రీ అని తెలియదు.

2
ఒ రోజు ఎక్కడికో ప్రయాణంచేస్తూ బస్సుకోసం ఎదురుచూస్తున్నప్పుడు ఫుట్పాత్ మీద పాత పుస్తకాలు కనిపించాయి. అందులో ఓ చిన్న పుస్తకాన్ని సైజు చూసి డిటెక్టివ్ అనుకోని అయిదు రూపాయలకు కొన్నాను. దానికి అట్టలేదు. తీరా బస్సు వచి, సీటు దొరికాక పుస్తకంలోపలికి వెళితే అది వచన కవిత్వం, అందులోనో మైకోవిస్కీ రచనకు తెలుగు అనువాదం (నిజానికి అప్పటికి మైకోవిస్కీ తెలియదు). ఆ పుస్తకం ఎంతగా నచ్చిందంటే ప్రతీ ప్రయాణంలో పట్టుకెళ్ళేవాడిని. కొన్నిరోజులు దాన్ని మర్చిపోయాను. మళ్ళీ ఓ సాహితి మిత్రుడు వద్ద ఏ పుస్తకం విషయం ప్రస్తావన వచ్చింది. అప్పుడు తెలిసింది అది మైకోవిస్కీ రచన, శ్రీ శ్రీ అనువాదం.
ఇది రాస్తున్న సమయానికి చాలా సంవస్తరాలే అయ్యింది చదివి. అందులోని పాదాలు నాకు కుర్తుకు లేవు. కానీ అది చదినప్పుడు కలిగిన అనుభూతి మాటల్లో చెప్పలేను. ఇప్పుడు అనిపిస్తుంది నేను సాహిత్యం చదవడం, మొదలుపెట్టాక రాయడంలో బహుశ దాని ప్రభావం వుందనిపిస్తుంది.
నాకు తెలియకుండానే నా జీవిత కీలక సంఘటనల్లో శ్రీ శ్రీ చొరవ తీసుకొని ఆలోచనాంతర్బాగం అయిపోయాడు. నన్ను రుణగ్రస్తుణ్ణి చేసేసాడు. ఏమిస్తే ఆయన రుణం తీరుతుంది.
శిరసు వంచి నమస్కరిస్తున్నా.

అమ్మ సంకలనం అప్పుడే ఏడాది పూర్తి చేసుకుంది.

2009-05-11T21:39:00.000+05:30

అమ్మ సంకలనం అప్పుడే ఏడాది పూర్తి చేసుకుంది.
అయినా నాకు ఈ మద్యనే దానికొసం పనిచేసినట్టు అనిపిస్తుంది.
ఈ ఏడాది కాలంలో మరేది చెయ్యలేకపోయాను.

మదర్స్ దినోత్సవ సందర్బంగా అమ్మను ప్రత్యేక దృష్టితోనూ, ప్రత్యేకమైన ప్రేమతోనూ జ్ఞాపకంచేసుకోవడంలోని దివ్యమైన అనుభూతి ఎన్ని సంకలనాలు చేసినా తీరదు.

నా నలబై తొమ్మిదేళ్ళ జీవితం కళ్ళముందు కనిపిస్తుంది. అందులో అమ్మతోటి అనుబందం, జ్ఞాపకాలు అనిర్వచనీయమే.

అందుకే అమ్మా నిన్ను ప్రేమిస్తున్నాను.

నా జీవితంలో వొడిదుడుకుల సమయంలో నన్ను వూరడించి, వెన్నుతట్టిన నా సహచరి, నా ప్రక్కటెముక ఎన్నోసార్లు అమ్మలాగే కనిపిస్తుంది.

ఎన్నటికీ అమ్మను కాలేని వాణ్ణే, అందుకే అమ్మతనంముందు ప్రణమిల్లుతున్నాను.

ఓ గొప్ప సాయంకాలంశివారెడ్డి కవిత్వంలో ఆమె

2009-04-29T11:14:00.007+05:30

నిన్న 28.4.2009 ఓ గొప్ప సాయంకాలం
-----------------
ఉదయమే ఒక పోను వచ్చింది. హలో అన్నవెంటనే గుర్తు పట్టాలేదు. అంతలోనే నేను శివారెడ్డిని అని అవతలై స్వరం. సాయంకాలం మిత్రు కలుస్తున్నారు నీవుకూడా వస్తే బాగుంటుంది కలిసి చాలకాలం అయ్యింది, అలగే ఎవరైనా మిత్రులుకు తెలియపర్చు అన్నారు. బషీర్బాగ్, ప్రెస్ క్లబ్ సాయత్రం 6 గటలకు. కొద్ది సేపు నన్నునేను నమ్మలేకపోయాను.

నగరంలో రకరకాల పరుగుల మద్య, ట్రాఫిక్ జాములమద్య సమయానికి చేరటం కొంచెం కష్టమే అయ్యింది. తీరా వెల్లేసరికి అది మిత్రుల కలయిక కాదు. శివారెడ్డి కొత్త పుస్తకం సభా కార్యక్త్రమం. ఘుడిపాటి, పెన్నా కలిసి శివారెడ్డి కవిత్వంలోచి స్త్రీ దృక్పద కవితల్ని ఏరి ఒక్కచోట చేర్చిన పుస్తకం. నేనువెళ్ళేసరికి వేణు మాట్లాడుతున్నారు. తర్వాత శివారెద్ది కొన్ని కవితల్ని చదివారు. అన్నీ నేను ఏదో ఒక సందర్బంలో చదివినవే అయినా ఆయన చదువుతున్నప్పుడు కొత్తవేమొ అంపించాయి.

కవిత్వ వినటం ఒక అద్బుత జ్ఞాపకమైతే వచ్చిన మిత్రులు మరీ ఎక్కువ ఆనందాన్ని నింపారు. వెన్నెల కుండపోతగా కురిసినట్టు, అందరూ సాహిత్య కారులే, కవులు కథకులు పత్రికలు. మరచిపోలేని జ్ఞాపకం.

శివారెడ్డి కవిత్వంలో ఆమె
- పెన్నా శివరామకృష్ణ, గుడిపాటి
( శివారెడ్డి కవితా సంకలనం ‘ఆమె ఎవరైతే మాత్రం’ పుస్తకానికి ముందుమాట)

ప్రతి కవీ ఏదో ఒక సందర్భంలో ఎవరో ఒక స్త్రీ గురించి కవిత రాసే ఉంటారు. శివారెడ్డి రాసినంత విస్తృతంగా స్త్రీ ఇతివృత్త కవితలు రాసిన తెలుగు కవి మరెవరూ లేరనే చెప్పాలి. శిశువుగా, బాలికగా, మగవాడి వంచనకు గురైన అభిమానవతిగా, ‘ప్రపంచానికి ముగుతాడేసి తన వెంట నడిపించుకుపోతున్న’ ధీరగా, తన ప్రాణాన్ని పంచుతూ పురిటినొప్పులు సహించే మాతృమూర్తిగా, జీవకారుణ్యాన్ని వర్షించే తల్లిగా, పురుషుడి అన్ని దాష్టీకాలను భరించే నిశ్శబ్దపు పసుపు ముద్దలాంటి మధ్యతరగతి గృహిణిగా, స్కూటీ గుర్రం మీద దౌడు తీసే నేటి తరం విద్యార్థినిగా, యువతిగా, ఉద్యోగినిగా స్త్రీ జీవితంలోని వివిధ దశలను, వివిధ పార్శ్వాలను అత్యంత స్పష్టంగా, గాఢంగా, ఆత్మీయంగా శివారెడ్డి పరామర్శించారు.

ఆమె ఎవరైతే ఏం
ఆ కన్నీళ్ళు నావే
ఆమె ఎవరైతేం
ఆ ఆవేదనా నాదే...
ఆమె ఎవరైతేం
ఆమె నా ఆలోచన
ఆమె ఎవరైతేం
నా లోపలి అద్దం మీద చెరగని ముద్ర
ఆమె ఆనవాళ్ళు
నా అక్షరాల్నిండా ప్రత్యక్షం
ఈ వాక్యాలు ‘నేత్రధనుస్సు’ (1978)లోని ‘ఆ కన్నీళ్ళు నావే’ అనే కవిత లోనివి. స్త్రీ పురుషుల మధ్య ఆవేగాత్మకమైన బంధాన్ని తెలిపే ‘నుదుటి మీద రెండు పెదవులు’ 1975 (‘చర్య’ కవితా సం పుటి) నాటిది కాగా, దాంపత్య జీవితంలో క్రమంగా ఏర్పడిన సంక్లిష్టతను తెలిపే ‘ముళ్ళు’ అనే కవిత 1978లో (‘నేత్రధనుస్సు’) రాసినది.

వీటిని గమనిస్తే సుమారుగా గత నాలుగు దశాబ్దాల ఆయన కవిత్వంలో ‘ఆమె’ ఒక ప్రధాన అంతఃస్రోతస్విని అని తెలుస్తుంది. ‘ఆ కన్నీళ్ళు నావే’ అనే కవితలోని ‘ఆమె ఎవరైతే ఏం’ అనే తొలి వాక్యమే ఆ తర్వాత అప్రయత్నంగా ‘ఆమె ఎవరైతే మాత్రం’ (1989) అనే శీర్షికగా పరిణమించిందని గుర్తించడం కష్టంకాదు. తల్లి లేని బాల్యం, తల్లిప్రేమ నెరుగని బాల్యం అనంతర జీవితాన్ని ప్రతి కూలంగా ప్రభావితం చేయటం లోకంలో సాధారణంగా కనిపిస్తుంటుంది. అలాంటి బాల్యం దుందుడుకుతనాన్ని పెంపొందించడమో, మనుషుల పట్ల, లోకం పట్ల ఒక పగను, ప్రతీకారేచ్ఛను ప్రేరేపించడమూ, చివరకు ఆత్మ విధ్వంసానికి దారితీయడమూ జరుగుతూ ఉంటుంది.

‘అయిదేళ్ళ ప్రాయంలో తల్లిని పోగొట్టుకున్న ఒక పల్లెటూరి బాలుడికి ప్రపంచం ఒక వేయితల నాగుపాము. జీవితం ఒక భయం, ఒక దరిద్రం, ఒక అనాదరణ... ఆనాథ బాల్యాలు కానీ ఆర్ద్రత లోపించిన పిలుపులు గానీ, ఏకాకితనాలు కానీ, ఆర్థం కాని సంబంధాలు కానీ అన్నీ... అన్నీ భయం భయంగా నాలో మిగిలి నా అంతర్లోకాలన్నింటినీ ముట్టించి ఊదరబెట్టి ఊపిరాడక అరిస్తే, అమ్మా! అంటే పలికే గొంతు లేనప్పుడు- బహుశా ఇవన్నీ నా కవిత్వంలో అదృశ్యంగా నర్తిస్తూ ఉంటాయేమో! (చూడు: ‘మనిషి బతుక్కి అర్థం సమూహంలోనే!’ - ‘జైత్రయాత్ర’ కవితా సంపుటి) అని శివారెడ్డి చెప్పుకున్నారు.
బాల్యంలోని కష్టనష్టాలకు కారణాలను నిష్పాక్షికంగా విశ్లేషిం చుకొని, మనుషుల మనస్తత్వాన్ని, లోకాన్ని సానుకూల దృక్పథం తో పరిశీలించడమూ, తనకు దొరికిన ఏ కొద్ది ప్రేమనైనా అపురూపంగా స్వీకరించడమూ, తాను పొదలేకపోయిన ప్రేమను ఇతరులకు పంచడం ద్వారా ఆనందాన్ని అనుభవించడమూ, సాధన పూర్వక ఆచరణగా, ఆచరణాత్మక అభ్యాసంగా మార్చుకోవడం విశేషం. ప్రతి దానిని అనుమానిస్తూనే, విశ్లేషించుకుంటూనే (ప్రతికూల దృష్టిని అలవరచుకోకుండా) సానుకూల పార్శ్వాలకే ప్రాధా న్య మివ్వడం, సంలీనమవ్వడం సులభసాధ్యమేమీ కాదు. తల్లి ప్రేమ తెలియని, ఇంటి పనులు, వ్యవసాయ పనులు చేసుకొంటు న్న కుర్రాడికి విశాఖపట్టణమూ, విశ్వవిద్యాలయపు వీధులూ, తొలి యౌవనంలో హైదరాబాదు సంక్లిష్ట రాజకీయ, సాహిత్య వాతావరణం మలి యౌవనంలో ఎన్నో పాఠాలు నేర్పి ఉంటాయి.

అన్ని పాఠాలను, గుణపాఠాలను సానుకూల దృక్పథంతో స్వీకరించడం ఆయన వ్యక్తిగత, సాహిత్య, జీవిత పరిణామక్రమానికి మూల కారణంగా గ్రహించవచ్చు. ఈ దృక్పథమే, ఈ రకమైన జీవన విధానమే స్త్రీ పట్ల అపారమైన ఆయన ప్రేమకు ప్రధాన ప్రేరణగా ఊహించవచ్చు.అన్ని బంధాలను, అన్ని రకాల మానవ సంబంధాలను గతితార్కిక దృష్టితో పరిశీలిస్తూనే, ఆత్మీయతలకు, అనుబంధాలకు మూలమైన అవసరాలను, అన్ని దృక్పథాల పరిమితులనూ పరిగణనలోకి తీసుకోవడం, వాస్తవిక జీవన అనుభూతులకు ప్రాధాన్య మివ్వడం- ఈ కవి ఇతర కవితలలో వలెనే స్ర్తీ ఇతివృత్త కవితలలోను కనిపిస్తుంది.

ప్రతి వస్తువుకు, ప్రతి స్థితికి, ప్రతి ఉద్వేగానికి, ప్రతి సిద్ధాంతానికి ఉండే రెండు చివరలను ఈ కవి అర్థం చేసుకున్నారు. ప్రతిదానికీ ఉండే పరస్పర వ్యతిరేక పార్శ్వాలను ఏకకాలంలో దర్శిస్తూనే దేనిని ఎక్కడ, ఎంతవరకు అన్వయించుకోవాలో గ్రహించగలగడమూ, అన్ని చలన సూత్రాలనూ గమనిస్తూనే తక్షణ సన్నివేశాల లో, అనుభవాలలో తనను తాను మిళితం చేసుకోవడమూ, హుద య పూర్వకంగా, సంకల్ప సహితంగా అనుభవించగలగడమూ ఒక అంతర్ముఖ సాధన. అభిప్రాయాల పరంగా,దృష్టికోణాల పరంగా, సిద్ధాంతాల పరంగా వైరుద్ధ్యాలు లేకుండా కవితాత్మకం గా వ్యక్తీ కరించగలగడం బహిర్ముఖ అక్షర తపస్సు.
అనుభూతి నుంచి ఆలోచనకు, ఆలోచన నుంచి అనుభూతి వరకు సాగే నిరంతర కవిత్వ హేల ఇది. భుజం మీద అడ్డంగా గడకర్ర పట్టుకుని తాడు మీద నడుస్తున్న గారడీ పిల్ల శివారెడ్డి కవిత్వం. అనుభూతికి ఆలోచనకు మధ్యనున్న దృశ్యాదృశ్య విభజన రేఖే ఆ తాడు.

ఒక సన్నివేశాన్ని, సంఘటనను లేదా అనుభవాన్ని ఉన్నది ఉన్నట్లుగా వర్ణించడం ఒక పద్ధతి. కవిగా, బౌద్ధిక విశ్లేషణాపూర్వకంగా ఒక సన్నివేశాన్ని వర్ణించడం రెండో పద్ధతి. ఒక సన్నివేశ వర్ణనతో ఆరంభించి, ఆ సన్నివేశ నేపథ్యాన్ని విశ్లేషిస్తూ, తిరిగి నిర్దిష్ట సన్నివేశ ప్రస్తావనతో ముగించడం మూడవ పద్ధతి. ఈ మూడు పద్ధతులూ ఈ కవి ఇతర కవితలలోలాగానే ఈ స్త్రీ ఇతివృత్తి కవితలలోనూ కనిపిస్తాయి.
సగటు మగాడిలా ఎక్కడా స్త్రీని తప్పు పట్టకుండా, న్యూనపరచకుండా, ఆమె ప్రతి కదలికకూ, ప్రతి ఆలోచనకూ, ఆచరణకూ కారణాలను వ్యవస్థలో వెతుక్కుంటూ ‘ఆమె’ను అపార సానుభూతితో, ప్రేమతో, కరుణతో ఆశ్లేషించుకోవడం ఈ కవితలలోని ప్రత్యేకత.

ఒకరు మరొకరి మీద ఆధారపడడం ‘వ్యవస్థ’ కల్పించిన కుట్ర అని భావిస్తూనే, పురుషుడి అస్తిత్వం నిరంతరం ‘ఆమె’ మీద ఆధారపడిందనే భావాన్ని ‘ఆమె కలదు, నువ్వు లేవు’ అనే వాక్యాలలో వ్యక్తం చేశారు. ‘ఆమె కలదు, నువ్వు లేవు’ అనే మాట ఉద్వేగాత్మకంగా అనిపించవచ్చు. కాని వ్యక్తిగత జీవిత లక్ష్యాలను ఏదో ఒక మేరకు సాధించిన (తన వ్యక్తిగత జీవననేపథ్యాన్ని నిష్పాక్షికంగా వి శ్లేషించుకోగలిగిన) ఏ పురుషుడైనా ఈమాటలతో ఏకీభవిస్తాడు.

నిత్య చైతన్యం, నిత్య ఉత్సాహం, నిత్య సహనం, గూఢత్వం- ఇవేవీ ఎవరికీ పుట్టుకతోనో, వారసత్వంగానో సంక్రమించేవి కావు. కాని ప్రతి సగటు స్త్రీ వీటిని అభ్యసిస్తూనే ఆచరిస్తూ, ఆచరిస్తూనే అభ్యసిస్తూ జీవన పోరాటాన్ని కొనసాగిస్తుంటుంది. వ్యవస్థలోని లైంగిక వివక్ష వల్ల స్ర్తీలు తమకు తెలియకుండానే తమ అస్తిత్వం కోసం అలవరచుకొన్న లక్షణాలివి. స్త్రీల ‘స్వభావాని’కి కారణాలైన ఇలాంటి బాహిర ప్రభావాలను గమనించ లేక (గమనించినా అంగీకరించలేక) స్త్రీ హృదయాన్ని, స్త్రీ చిత్తాన్ని, బుద్ధిని గూర్చి అనేక అపోహలను పురుషాధిపత్యం సూత్రీకరించింది; సిద్ధాంతీ కరించింది. స్త్రీలు ‘రహస్య రసాధిదేవతలు’ అని ఈ కవి అనడం అపూర్వం. ఇది స్త్రీల సహజ చిత్తవృత్తిని తెలుపుతూ, దాని వెనుకనున్న స్త్రీల మానసిక, సామాజిక కారణాల అన్వేషణకు ప్రేరణ నిస్తుంది.

తన ప్రాపంచిక దృక్పథానికి వ్యతిరేకం కానంతవరకు ఏ వస్తువును స్వీకరించడానికైనా, ఏ విధంగా వర్ణించడానికైనా ఈ కవి వెనుకాడరు. (ఈ కవితలన్నీ ఒకే కాలంలో, ఒక క్రమంలో రాసినవి కావన్నది తెలిసిందే.) వివిధ కాలాలలో, వివిధ మానసిక స్థితులలో అనుభవమే ప్రమాణంగా, ఆయా దృశ్యాల, సన్నివేశాలలోని వాస్తవికతే ప్రమాణంగా రాసిన కవితలివి. ‘నిజాయితీ లేకుండా, గాఢంగా నమ్మకుండా ఒక్క అక్షరం కూడా రాయలేదు’ అని ఆయ నే చెప్పుకున్నారు. గాఢంగా అనుభవించకుండా ఆయన రాయరు. అనుభవించలేకపోతే, ఒకానొక వస్తువు మనసును పట్టి పీడించే వరకు ఆగుతారు. లేదా మనసుకు పట్టించుకోవడానికి కొన్ని వారాలపాటు, నెలల పాటు ప్రయత్నిస్తారు.

‘నాకు రెండు టేబుళ్ళ కవతల’, ‘వాళ్ళు మాట్లాడుకుంటున్నారు’ అనే కవితలను, ‘అప్పుడి వేమీ’, ‘నుదుటి మీద రెండు పెదవులు’, ‘ఒక ఆడ- ఒక మగ’, ‘ఒక ప్రక్రియ’, ‘ఒక దీపం’ మొదలైన కవితలను ఒక వరుసలో చదివినప్పుడు- వీటిలో భావవైరుద్ధ్యమున్నట్లు వెంటనే అనిపించవచ్చు.స్త్రీ , పురుషుల లేదా భార్యాభర్తల బంధాలలోని వివిధ దశలను, వాస్తవిక స్థితిగతులను, వైరుద్ధ్యాలను, సంక్లిష్టతలను ఈ కవితలు ప్రతిఫలిస్తాయి తప్ప, కవిలోని భావవైరుద్ధ్యాలను కావని గ్రహించాలి. ఇంతకుముందే అనుకున్నట్లు ఈ కవి తన ప్రాపంచిక దృక్పథాన్ని ఎంత సీరియస్‌గా తీసుకుంటారో వస్తు, వ్యక్తీకరణల్లో అంత స్వేచ్ఛగా వ్యవహరిస్తారు.

‘స్త్రీవాద ధోరణి ఇంతకు ముందు మనం స్పృశించని కొన్ని అంశాలను ముందుకు తెచ్చింది. వాళ్ళ జీవితాలలో మనం చూడని, చూడలేని చీకటి కోణాలను అది వ్యక్తీకరిస్తున్నది. నేనైతే మనస్ఫూర్తిగా స్త్రీవాద ధోరణిని ఆహ్వానిస్తున్నాను’ అని ఒక ఇంటర్వ్యూలో శివారెడ్డి చెప్పారు. స్త్రీవాదం ఆరంభానికి చాలా కాలం ముందు నుంచే స్ర్తీల హక్కులు హరింపబడడాన్ని, పురుషాధిపత్యాన్ని నిరసిస్తూ ఈ కవి రాశారని ఈ సంపుటిలోని కొన్ని కవితల రచనల తేదీలను పరిశీలిస్తే తెలుస్తుంది. అందువల్ల స్త్రీవాదం వల్లనే శివారెడ్డి ఇలాంటి కవితలు రాయగలిగారనేది పూర్తిగా సత్యం కాదు. కాకపోతే స్త్రీవాదం ఆయన ‘చూపు’కు మరింత ‘పదును’ పెట్టిందని, స్త్రీ ఆంతరిక, భౌతిక జీవితాలలోని మరికొన్ని కొత్త కోణాలను చూసే అవకాశాన్ని కల్పించి ఉంటుందని ఊహించవచ్చు. స్త్రీ విముక్తిని గాఢంగా కాంక్షించే ఈ కవి, పోరాటపంథా ఏ విధంగా ఉండాలనేది ఎక్కడా సూటిగా చెప్పినట్లు లేదు. పై ఆంగ్ల వాక్యాల సారాంశాన్ని అంగీకరిస్తే,స్త్రీ విముక్తిని గురించిన శివారెడ్డి అభిప్రాయాలు సోషలిస్టు ఫెమినిజానికి దగ్గరగా ఉన్నట్లు చెప్పవచ్చు.
-0-
గాఢానుభూతిలో ‘ధిక్కారాన్ని’ మిళితం చేయడం ఈ కవి కవిత్వంలో కనిపించే ఒక ముఖ్య లక్షణం.
ఒక వస్తువులోని తనదైన ‘విలక్షణత్వాన్ని’ నిదర్శన పరంపరల తో మరింత ఎక్కువ చేసి చూపడంలో ‘కారికేచర్‌’ లక్షణం కనిపిస్తుంటుంది. అలాగే పట్టరాని ఆగ్రహంలోను భాష, భావాల పరం గా ఒక సంయమనాన్ని కూడ ఈ కవితలలో గమనించవచ్చు.శివారెడ్డి కవితల్లో ‘చిన్న’, ‘పెద్ద’ కవితలు వేటికవి ప్రత్యేకంగా ఉంటాయి. చిన్న కవితలలో ‘భావాంశాల’ మధ్య సమతుల్యానికి, ముగింపుకు ప్రాధాన్యముంటుంది. ‘శీర్షిక’ కూడా కవితలో భాగమై కవితను మరింత ధ్వన్యాత్మకం చేస్తుంటుంది. ‘పెద్ద’ కవితల్లో నిర్వహణకు, వర్ణనలకు, ఆద్యంతాల మధ్య వస్తు ఐక్యతకు ప్రా ముఖ్యముంటుంది. ‘ముళ్ళు’, ‘సారాంశం’, ‘వెన్నెల’, ‘ముఖే ముఖే విషాదంలో...’ మొదలైన ‘చిన్న’ కవితలను చదివితే ఈ శిల్ప రహస్యాలను అర్థం చేసుకోవచ్చు.
‘రూపం’లో సామ్యం (పోలిక) అవ్యక్తంగా ఉంటుంది. దానివల్ల కవిత్వానికి సాంద్రత వస్తుంది. రూపక నిర్మాణం కవి సత్తాకు ఒక నిదర్శనం. ‘పురాతన విలువ మేకు’, ‘ఆదర్శాల రాగిచెంబు’, ‘ముగుతాడేసి ప్రపంచాన్ని నడిపించుకుపోవడం’, ‘శూన్య నేత్రాల గృహం’, ‘కిరణాలు రెక్కలొచ్చి ఎగిరిపోవడం’ మొదలైన రూ పకాలలో, ప్రయోగాలలో నైరూప్యాలను సారూప్యాలతో పో ల్చడం, ప్రాణి ధర్మారోపణలు, సినెక్‌డకీ (), మెటానమీ () లు అన్నీ కలగలిసిపోవడం చూస్తాం. ‘చీకటి మొక్క’, ‘యిసుక సముద్రా ల సామ్రాజ్యం’, ‘ముకు ర పుష్పం’ లాంటి ప్రయోగాలు ఎన్నెన్నో... కవిత్వ సాంద్రత కోసం ఈ కవి చేసే సమాస, పదబంధ కల్పనలకు ఇవి స్వల్ప ఉదాహరణలు.

‘ఆమె చేతుల్లో ఎండిపోయినా, పండిపోయినా, రాలిపోయినా గొప్ప భాగ్యమే’- ఇలాంటి అనేక సందర్భాలలో క్రియాపదాల ద్వారా ఉపమానోపమేయాలను ధ్వనించడం ఈ కవి అనుసరించే మరో పద్ధతి. పరాత్మకంగా (ఆబ్జెక్టివ్‌గా), సాక్షీమాత్రంగా ఒక సన్నివేశవర్ణనను ఆరంభించి మధ్య, మధ్య కవిగా లుగజేసుకుంటూ, వ్యాఖ్యానిస్తూ తిరిగి వర్ణనను కొనసాగించి స్వీయ వ్యాఖ్యతో ముగించడం శివారెడ్డి కవిత్వ నిర్వహణ పద్ధతులలో ప్రధానమైనది (శివారెడ్డి కవిత్వ నిర్వహణ పద్ధతులను గూర్చిన మరింత విస్తృత చర్చ కోసం ‘శివారెడ్డి కవిత్వం- పరిణామ వికాసాలు’ పుస్తకం చూడవచ్చు). ప్రసుత సంకలనంలోని ఏ కవితను, ఏ భాషలోకి అనువదించినా ఆయా కవితల వన్నె తగ్గదు. వస్తుపరమైన విశ్వజనీనత, అనుభవ గాఢత, అభివ్యక్తి నవ్యతలను ప్రతిఫలించే కవిత్వ నిర్మాణ శిల్పం దీనికి ప్రధాన కారణాలు.

ప్రతి కవీ ఏదో ఒక సందర్భంలో ఎవరో ఒక స్త్రీ గురించి కవిత రాసే ఉంటారు. శివారెడ్డి రాసినంత విస్తృతంగా స్త్రీ ఇతివృత్త కవితలు రాసిన తెలుగు కవి మరెవరూ లేరనే చెప్పాలి. శిశువుగా, బాలికగా, మగవాడి వంచనకు గురైన అభిమానవతిగా, ‘ప్రపంచానికి ముగుతాడేసి తన వెంట నడిపించుకుపోతున్న’ ధీరగా, తన ప్రాణాన్ని పంచుతూ పురిటినొప్పులు సహించే మాతృమూర్తిగా, జీవకారుణ్యాన్ని వర్షించే తల్లిగా, పురుషుడి అన్ని దాష్టీకాలను భరించే నిశ్శబ్దపు పసుపు ముద్దలాంటి మధ్యతరగతి గృహిణిగా, స్కూటీ గుర్రం మీద దౌడు తీసే నేటి తరం విద్యార్థినిగా, యువతిగా, ఉద్యోగినిగా స్ర్తీ జీవితంలోని వివిధ దశలను, వివిధ పార్శ్వాలను అత్యంత స్పష్టంగా, గాఢంగా, ఆత్మీయంగా శివారెడ్డి పరామర్శించారు.

భౌతిక, సామాజిక జీవితాలలో స్ర్తీ ఎదుర్కొంటున్న పక్షపాతాలతోపాటు, స్ర్తీ పురుషుల సంబంధాలలోని అనేకానేక సమస్యలతోపాటు, ఉద్వేగపరమైన సంఘర్షణలను, స్ర్తీ, పురుషుల చిరకాల సాంగత్యానికి మూలమైన సర్దుబాట్లను కూడా అంత వాస్తవికంగా విశ్లేషించడం ఈ కవితలలోని ప్రధాన వైశిష్ట్యం. తన కవిత్వానికి, తన కవిత్వమే ‘ముందుమాట’గా, ‘చివరిమాట’గా శివారెడ్డి భావిస్తారు. ఈ కవితలను కాలక్రమంలోను, వస్తుపరమైన విభజన దృష్టితోను పలుమార్లు చదివినప్పుడు కలిగిన ఆశ్చర్యానందాలను నిగ్రహించుకోలేకనే ఈ నాలుగు మాటలు రాయాల్సి వచ్చింది. ఈ సంకలనం తీసుకురావడానికి అనుమతించిన శివారెడ్డికి హార్థిక కృతజ్ఞతాభి వందనాలు.

వర్షమంటే... నానోలు

2009-03-31T10:34:00.000+05:30

1
వర్షం
అంటే
చినుకుల
సవ్వడి-

2
కాగితపు
పడవల
బాల్యపు
గుర్తులు-

3
వోణీ
తడిసి
వొంపిన
వయ్యారం-

4
చినుకు
చిరుకాంతి
ఆకాశంతెర
హరివిల్లు-

5
ఎండిన
విత్తనానికి
జీవం
పోయడమే-

6
నెరలిల్లిన
నేలతల్లిని
పదును
చేయడమే-

7

పెళ్ళలుగా
పగిలిన
పుడమికి
పులకరింపే!-

8

దాహంగొన్న
భూమికి
తొలకరిజల్లై
సేదదీర్చడమే!-

9

ఘనీభవించిన
మేఘం
చినుకై
ద్రవీభవిండమే!-

10

కురిసి
కురిసి
పొంగిపొర్లే
ప్రవాహమవ్వడమే!-

ఎందుకో ఇలా??

2009-03-25T19:41:00.000+05:30

నిర్మానుష్యమైన చోటికి పారిపోవాలని మనసు పదే పదే కోరుకుంటుంది. నిజానికి అలాంటి ప్రదేశం ఏదైనా దొరుకుతుందా? నిద్రకన్నుల రెప్పల్ని బలవంతంగా అలారం మోతతోటి తెరిచి, రొదపెడ్తన్న చోటుల్లోకి ఒకటే పరుగులు, వురకలు. కాసింత తొలిజాము కూతల పక్షుల సవ్వడి మరచిపోయామా? లేక రొదగా భావించి పక్షులకే అలారంమోత నేర్పి కొత్త సమయాన్ని, కొత్తస్థలాన్ని వెతుక్కోమని తోలివేసామా??
వెంటాడుతున్న బాద్యతల్ని ఒకొక్కటిగా నెమరువేసుకుంటూ నేటి పనుల జాబితాల్ని తయారు చేసుకుంటుంటే వాటి మద్య ఎక్కడైన నిర్మానుష్యమైన ప్రదేశానికి చోటుదొరుకుతుందా సమయం దొరుకుతుందా. బహుశ అంతర్జాల బ్రౌజర్లో వెతకాలేమో. దానికోసం ఏ ఏ కోడును ఉపయోగించాలో. ఒకదాని వెంబడి ఒకటి వెంటాడి వెతుకుతున్న దాన్ని మరిపింపచేసే గందరగోళంలో పడవేస్తాయి కదా!
బ్రతుకు జీవనం తరుముతుంటే రహదారులవెండి పరుగులు తీస్తుండాలి. వరదలాంటి వాహనాల ప్రవాహంలోకి జొరబడి ఒడ్డుకుచేర్చే తెడ్లకోసం వెతుకుతుంటాము.
మంచుకురిసినట్టో, ఎర్రని గుల్మోర్ పువ్వులు రాల్తున్న రహదారుల్లో రూపాయలకోసంవెతుకులాట గుర్తుకోచ్చి ప్రశ్నించే బాసు మొఖం కళ్ళముందు కదలాడి నుదుటపట్టే చెమటను తుడుచుకోవడమే మరచిపోయి పరుగులు తీయాల్సిందే! గాలివీచే కిటికీలను మూసివేసిన గదుల్లో ఎవరికివారే బందీలుగా అప్పగించుకొని బయటపడే మార్గంకోసం మరోవైపునుంచి వెతుక్కోవల్సిందే! బయటపడాటంకోకోసంచేసే ప్రయత్నాలలో అలసిన దేహం విశ్రాంతిని కోరుకొంటుంది. సుఖాన్ని మరచి, గతాన్ని మరచి మరుపుపొరలనద్య, మగత నిద్రల మద్య మరో రాత్రి పలకరించిపోతుంది.
దేన్ని వెతుకుతున్నానో ఏది కోరుకుంటున్నానో
ఎక్కడనుంచో మ్రోగిన రింగుటోను ఎదో అలజడిని గుర్తు చేస్తుంది.

నానోలు

2009-03-23T15:33:00.002+05:30

సాహితీ మిత్రుడు ఈగ హనుమాన్ నాలో ఏమిచూసాడో గానీ నానోలు రాయమని కాక రాయగలవు అంటూ పదేపదే ప్రోత్సాహిస్తుంటే చిన్న ప్రయత్నంగా ఇలా మీముందుకు వచ్చాయి.

నానోలు

1
రాలే
శిశిరం
వసంత
ఆగమనం

2

కడిగిన
కన్ను
మలినరహిత
మనసు

3

మరిగే
ఆలోచనలు
మనసు
రణరంగం

4

విజయం
అపజయం
బొమ్మా
బొరుసు

5

సీత
గీత
దాటితే
యుద్దమే!

6

చిగురు
వగరు
కోకిల
వసంతగానం

7

రెక్కలు
ఉహలు
కలలు
అందమే!

8

పప్పు
ఉప్పు
నిప్పు
వంటకమే!

9

నిజం
నిశ్శబ్దం
నిర్మానుష్యం
భయపెట్టేవే!

10

ఎవరి
లంకకు
వారే
లంకేశ్వరులు
.....

ఇంకా నానోలకోసం దర్శించండి

http://nanolu.blogspot.com/2009/03/blog-post_22.html

నిజంగా నీవు ఇక్కడ వుంటే బాగుండేది

2009-02-24T17:31:00.002+05:30

నిజంగా నీవు ఇక్కడ వుంటే బాగుండేది

హితులెవ్వరూలేని ఈ నిశ్శబ్దపు రాత్రి

చుట్టూ చీకటినిండుతుంటే

ఈ ప్రదేశమంతా భయంతో నిండినప్పుడు

నీవు ఇక్కడవుండి నా భయం పోగొడతావని

నాలో చిరునవ్వు పూయిస్తావని

నా ఆశ!

దురదృష్టం నీవిక్కడలేవు

నిజంగా నీవు ఇక్కడ వుంటే బాగుండేది

ఇక ఎవరు పట్టించుకుంటారు నన్ను

వెంటాడుతూనే వుంటాయి

2009-02-14T13:52:00.001+05:30

కాలం గడచిపోతూనే వుంటుంది
కొన్ని జ్ఞాపకాలు
కొన్ని అనుబందాలు
కొన్ని కర్తవ్యాలు
కొంత శూన్యం
కొన్ని మార్పులు
వెంటాడుతూనే వుంటాయి

శూన్యాన్ని చూస్తూ చూస్తూ
బాధ గుండెను పిండేస్తుంది
కోల్పోయిందేదీ లేదు

అడుగులు ముద్రలై
కర్తవ్యాన్ని బోదిస్తూనేవుంటాయి
శూన్యాన్ని పూరించడంకోసం
గాలి నలువైపులనుండి చొచ్చుకొని వస్తుంది

ఒక్క జ్ఞాపకం
ఒక్క సారి నేమరువేసుకోనే అనుభవం
కొత్త శక్తినిస్తుంది
నీవులేకున్నా
నీ పరామర్శలులేకున్నా
బ్రతికేస్తునే వుంటాము

ఈ జ్ఞాపకం
మీ ఆత్మకు శాంతినివ్వాలని

జనవరి నెల నేలా వెన్నెల

2009-01-29T20:29:00.000+05:30

యధావిదిగా ఈ మెల నెలనెలా వెన్నెల25.1.2009 ఆదివారం శ్రీ కృష్ణరావుగారి ఇంటిలో జరిగింది.
శ్రీ సంపత్కుమారాచార్య,
శ్రీ మోహన రెడ్డి, వారి మిత్రుడు
శ్రీ కె.వి. రమానాయుడు
శ్రీ ధర్మాచారి
శ్రీ యాకూబ్
శ్రీ వీర్రాజు
శ్రీ జాన్ హైడ్ కనుమూరి
శ్రీమతి రేనుకా అయోలా హాజరయ్యారు.

సంపత్కుమారాచార్యా - ఆముక్త - కావ్యం నుంచి పద్యాలను చదివి వినిపించారు.
ధర్మాచారి తనదైన శైలిలోని శ్రీకాకుళం మాడలికంతో గల్పికలను వినిపించారు.
రేణుక మృదువైన కవిత్వన్ని వినిపించారు.
కె.వి. రమానాయుడు జలప్రస్థానాన్ని మరొక్కసారి వినిపించి సైన్సును కవిత్వీకరించడంలోని మహత్వాన్ని చాటిచెప్పారు.
చెట్టు ఇస్మాయిల్‌ను జ్ఞాపకంచేస్తూ యాకూబ్ కవితవినిపించారు.
శ్రీ వీర్రాజు, నేను, మోహనరెడ్డి కొన్ని కవితలను చదవడంజరిగింది.

అలలపై కలలతీగలపై మీటిన రాగం

2009-01-19T09:49:00.002+05:30

మంచి వ్యాసాన్ని రాసిన తాడేపల్లి వారికి, అరుణ పప్పు గారికి

చదివి స్పందిచి ఫోనులు చేసినవారికి, ఎస్.ఎం.ఎస్. చేసినవారికి

వేగులు పంపినవారికి
గుంపులో పలుకరించినవారికి

అందరికి ధన్యవాదములు
చిన్న సూచన : నేను మద్యపానాన్ని మానే ప్రయత్నం 1999 - 2003 మద్య చేసాను, మానివేసాను అప్పటినుండి దానిజొలికి నేను వెళ్ళలేదు.
అలా సాహిత్యం, బైబిలుసాహిత్యం నన్ను కట్టడిచేసాయని చెప్పడానికి సంతోషిస్తున్నాను.

http://www.andhrajyothy.com/navshow.asp?qry=/2009/jan/18navya6

ఎవరైనా చెప్పి సహాయం చేస్తారా...

2009-01-15T10:17:00.000+05:30

నేను సరదాగా టాప్‌లెట్ మార్చడానికి ప్రయత్నించి విజయం సాదించాను. కాని కొన్ని కోల్పోయాను.
ఉదా : అమ్మ సంకలనం లంకే
స్టాట్ సూచిక
అవిపె తిరిగి పెట్తటం ఎలాగో ఎవరైనా చెప్పి సహాయం చేస్తారా...

సం"గతులు" (జాన్‌హైడ్ కనుమూరి)

ఈ మాటలో నా కవిత మీరు చదివారా??

ఈ మాటలో నా కవిత మీరు చదివారా??

http://www.eemaata.com/em/issues/201201/1886.html

జ్వాలాముఖిని తలచుకోవడమంటే నా జ్ఞాపకాలను తాజా పరచుకోవడమే

ఎయిడ్స్ ఓడిపోకతప్పదు కలసిపోరాడుదాం

మూడు చక్రాల బండి - ఈ పుస్తకం

సాహితీ మిత్రులకు

http://www.scribd.com/fullscreen/73438374?access_key=key-20tqivkr2rbhce7hxal1

anuvulu(function() { var scribd = document.createElement("script"); scribd.type = "text/javascript"; scribd.async = true; scribd.src = "http://www.scribd.com/javascripts/embed_code/inject.js"; var s = document.getElementsByTagName("script")[0]; s.parentNode.insertBefore(scribd, s); })();

నిషాకన్నుల ఈరేయి - గజల్

గుర్తుందిలే - గజల్

అమ్మమనసు - గజల్

* * *

పండువెన్నెల కన్నా చల్లనిది అమ్మమనసు

ఫేసుబుక్కు ఆరు నెలల ప్రయాణం – సింహావలోకనం

గోదారి అనుబందం -3

10.10.2011 న విశాఖ మండే మొజాయిక్ - కొన్ని చిత్రాలు

అలలపై కలలతీగ(జాన్ హైడ్ కనుమూరి)

ప్రవాహమెటు?

గోదారి అనుబందం -2

* * * *

( ఫోటో : కొండవీటి సత్యవతి )

గోదారి అనుబందం

అమ్మ మనసున సంతసం

మదిలో మెదిలే అపురూప రూపం

రంగు రంగుల పరిమళం

నీ కోసం నా మది

ఊగిసలాడే మనసు ఊసులు

నీవు నిండిన మనసు

ఊయలలూగే మనసు

గానం ప్రవాహం కాదా!!

ఎదురుచూసా ప్రతిక్షణం

భద్రంగా

నీలిమేఘం

పల్లకిలో ఊరేగింపు

రెవ. ఆర్.ఆర్.కె. మూర్తి గారు ప్రభువు మహిమలో నిద్రించారు.

Acharya Rayasam Radha Krishana Murthy well known to the world as RRK Murthy

Born 1927 February, 1927

Expired 2011 July, 2011

Prayer will be at 2 PM at Ramanthapur baptist Church

సమాధి 17.7.2011 సాయత్రం 3 గంటలకు Hyderabad, నారాయణగుడలోని సమాధులతోటలో జరుగుతుందని విన్నాను

To read his Testimony : http://www.uecf.net/rrk_testimony.pdf

నేను - సముద్రం- విశాఖ

ఈ-పుస్తకము - ఫాదర్స్ డే

Father's Day on 19.6.2011 - నాన్న సంకలనం

అనేక : ఆవలితీరం ( వ్యాసం-1 )

అంతర్జాతీయ మహిళా దినోత్సవం శుభాభినందనలు

మిక్కిలినేని రాధాకృష్ణ - నివాళి

నాన్న సంకలనం

పుస్తక ప్రదర్శన నా అనుభవాలు

జ్వాలముఖి - నేను - కొన్ని జ్ఞాపకాలు

బ్లాగర్ సమావేశం

నీలగిరి దృశ్యాలు

తెలుగుబాటలో పాల్గొన్నవారికి అభినందనలు

'ఇంటర్నెట్లో తెలుగు సాహిత్యం

ప్రేమాంతరంగం పేరుతో కొత్త బ్లాగు మొదలుపెట్టాను

బాల్యం జ్ఞాపకాలతో ఓ రోజు

కవితా వార్షిక 2009

మహిళా దినోత్సవ సందర్భంగా- కొన్ని జ్ఞాపకాలు

ఎడతెగని ప్రయాణం - ఆవిష్కరణ కొన్ని ఫొటోలు

ఎడతెగనిప్రయాణం - పుస్తకావిష్కరణ

కవితలపోటీలు - ఆంధ్ర ప్రభ

సూర్య గ్రహణం 15.1.2010

రాధిక ఊరునుంచి మా ఊరికి ప్రయాణం

jvalita kavitvaM - sudIrgha hatya

పుస్తకావిష్కరణ

సుదీర్ఘ హత్య - కవిత్వ పుస్తకావిష్కరణ

క్రిస్మస్ శుభాకాంక్షలు

బాల్యం

బాల్యం

సాహిత్య సమాచారం - పోటీలు

ఎవరైనా నా గీతలు చదివి ఏమైనా చెబుతారా???

నెల నెలా వెన్నెల - నవంబరు ౨౦౦౯ సమావేశము

ఎక్స్‌రే జాతీయస్థాయి కవితల పోటీలు

నేటి రచయితలకు సాహిత్యనుభవంలేదు - వివిధ - ఆంద్ర జ్యోతి

భలే మంచిరోజు - జీవితాన్ని మలుపుతిప్పిన క్షణాలు

ఈ మాటలో నా కవిత - జమ్మి బంగారం చెట్టు

నెల నెలా వెన్నెల సమావేశము - ఆగష్టు ౩౦, ౨౦౦౯

నెల నెలా వెన్నెల - ఆగష్టు ౨౦౦౯

anuvulu